ახალი მინისტრის ოჯახის ბიზნესი

მაია ცქიტიშვილი
მაია ცქიტიშვილი

ინფრასტრუქტურის მინისტრად დანიშვნამდე ერთი დღით ადრე, 2018 წლის 29 მარტს მთავრობის კანცელარიის უფროსმა მაია ცქიტიშვილმა საკუთარი 75%-იანი წილი,  კომპანიაში შპს თბილისის კომერციული ქონება საკუთარ მეუღლეს, დავით ხატიაშვილს აჩუქა.

წესდების მიხედვით, კომპანიის სახელწოდება ინგლისურად არის:Tbilisi Commercial Property. 

კომპანიის შექმნისას ძირითად მიზნად დასახელებული იყო: “მოგების მიღება, როგორც საქართველოში, ისე მის ფარგლებს გარეთ.

წილის ჩუქების ხელშეკრულება
წილის ჩუქების ხელშეკრულება

tskitishvili_partners

შპს “თბილისის კომერციული ქონების” თავდაპირველი დამფუძნებელი იყო შპს “მიკროკლიმატი”.

შპს “მიკროკლიმატმა” თავისი სასეხო დავალიანება 640724.5 ლარი ახლადდაფუძნებულ კომპანიას გადასცა.

გირავნობა/ლიზინგის რეესტრში დავალიანების შესახებ წერია:

გადაწყვეტილება # R14018559/3 ( 19 ივნ 2014 19:32:47 )

რეგისტრაციის შესახებ

სარეგისტრაციო სამსახურს წარედგინა განცხადება (No.R14018559; 19 ივნ 2014 19:22:18;)
განმცხადებელი: შპს თბილისის კომერციული ქონება /405047471 /
განცხადებით მოთხოვნილია: რეგისტრირებულ გირავნობის უფლებაში ცვლილების რეგისტრაცია.

‘საჯარო რეესტრის შესახებ’ საქართველოს კანონის შესაბამისად დარეგისტრირდეს უფლება.

გირავნობა ( R14018559 ) 19 ივნ 2014 19:22:18
უფლების რეგისტრაციის თარიღი: 19 ივნ 2014 19:24:01
უფლების რეგისტრაციის ვადა: უვადო

სუბიექტი
კრედიტორი : სს საქართველოს ბანკი (საქართველო) 204378869
მესაკუთრე : შპს მიკროკლიმატი (საქართველო) 401945277
მესაკუთრე : ცქიტიშვილი მაია (საქართველო) 01007001462
მესაკუთრე : კანდელაკი ირაკლი (საქართველო) 01020005025

გირავნობა
არამატერიალური ქონებრივი სიკეთე :
შპს „მიკროკლიმატის“ (ს/ნ 401945277) არსებული და სამომავლო მთელი არამატერიალური ქონებრივი სიკეთე
არამატერიალური ქონებრივი სიკეთე :
შპს თბილისის კომერციული ქონებაში (ს.ნ 405047471) მაია ცქიტიშვილის (პ.ნ 01007001462) 75% წილი და ირაკლი კანდელაკის-25% წილი.
არაიდენტიფიცირებადი მოძრავი ნივთი :
შპს „მიკროკლიმატის“ (ს/ნ 401945277) არსებული და სამომავლო მთელი მოძრავი ქონება

 

დავით ხატიაშვილი “შპს თბილისის კომერციული ქონების”   გარდა კიდევ რამდენიმე კომპანიის მეწილე, დამფუძნებელი და დირექტორია:

საიდენტიფიკაციო კოდი სახელწოდება  მონაწილე მონაწილეობის ტიპი
405249789 შპს სავაჭრო ცენტრი დავით ხატიაშვილი დირექტორი
205000960 “თბილისის სტრატეგიული განვითარების ცენტრი” დავით ხატიაშვილი დამფუძნებელი
205059336 შპს ბიკონსალტინგი დავით ხატიაშვილი მეწილე
401945277 შპს მიკროკლიმატი დავით ხატიაშვილი მეწილე
404978814 შპს ბილდინგ სოლუშენს დავით ხატიაშვილი მეწილე
405048158 სს ჯორჯიათრეიდი დავით ხატიაშვილი დირექტორი

 წილის ჩუქების შემდეგ შეიცვალა “შპს თბილისის კომერციული ქონების” ელექტრონული ფოსტის მისამართიც და ახლა არის: david@georgiatradegroup.ge
დომეინის “georgiatradegroup”  მფლობელია: სააქციო საზოგადოება ჯორჯიათრეიდი

“ტენდერების მონიტორის” მიხედვით, “სს ჯორჯიათრეიდის” მიერ მოგებული 42  სატენდერო კონტრაქტის საერთო ღირებულებაა 708960 ლარი, ხოლო 23 გამარტივებული შესყიდვის
ხელშეკრულებების საერთო ღირებულებაა : 30930.30 ლარი

 

"სს ჯორჯიათრეიდის" ტენდერები
“სს ჯორჯიათრეიდის” ტენდერები

 

ამ შესყიდვებში გამოყენებული კლასიფიკატორებია:

  • მილები და მილსადენების არმატურა
  • ღობეების, მოაჯირებისა და დამცავი მოწყობილობების მონტაჟი
  • სამშენებლო მასალები
  • სამშენბლო მასალები და დამხმარე სამშენებლო მასალები
  • მილსადენები/მილსადენი სისტემები/მილსადენების ქსელი, გარსაცმები, შლანგები და მათტან დაკავშირებული მასალები.
  • სამშენებლო
  • ლითონის კონსტრუქციების აწყობა
  • რკინა, ტყვია, თუთა, კალა და სპილენძი
  • სხვადასხვაგვარი სამშენებლო მასალა
  • ფანჯრები, კარები და მათტან დაკავშირებული საგნები
  • ძირითადი ლითონები

შემსყიდველები იყვნენ:

  • სახელმწიფო სამშენებლო კომპანია
  • შოთა მესხიას ზუგდიდის სახელმწიფო სასწავლო უნივერსიტეტი
  • საზოგადოებრივი კოლეჯი “იბერია”
  • შპს “სინათლის ქალაქი”
  • აჭარის ა.რ. მთავრობის საქვეუწყებო დაწესებულება საავტომობილო გზებისა და სამელიორაციო სისტემების მართვის დეპარტამენტი
  • სს “საქართველოს სახელმწიფო ელექტროსისტემა”
  • თვითმმართელი ერთეული ხარაგაულის მუნიციპალიტეტი
  • სააქციო საზოგადოება კახეთის ენერგოდისტრიბუცია
  • თბილსერვის ჯგუფი

ალექსანდრე ჯეჯელავას “ფლომასტერი”

განათლების ყოფილმა მინისტრმა და ვიცე-პრემიერმა, ალექსანდრე ჯეჯელავამ, თანამდებობის დატოვების შემდეგ, შპს “ფლომასტერი” დააფუძნა.

ალექსანდრე ჯეჯელავა
ალექსანდრე ჯეჯელავა

რეესტრის მიხედვით,  კომპანია 2018 წლის 26 იანვარს შეიქმნა და მისი 100%-ის მფლობელი და დირექტორი ალექსანდრე ჯეჯელავაა. კომპანიას კიდევ ერთი დირექტორი, მაია მუშკუდიანი ჰყავს.

კომპანიის ლათინური სახელწოდებაა: შპს FlowMaster

წესდების მიხედვით, საზოგადოების საქმიანობის საგანია:

  • საერთაშორისო და ადგილობრივ ბაზარზე ტრენინგების, სემინარების, მასტერკლასების და საჯარო გამოსვლების ჩატარება. საგანმანათლებლო ინტერნეტრესურსების ვიდეო-აუდიო და ბეჭდვითი მასალების დამზადება.

ორგანიზაცია ასევე უფლებამოსილია მოგების მირების მიზნით განახორციელოს კანონით აუკრძალავი ნებისმიერი საქმიანობა.

კომპანიის საიდენტიფიკაციო კოდია: 402074394

 

შპს "ფლომასტერის" წესდება
შპს “ფლომასტერის” წესდება

ნუგზარ კახიძის კომპანიები

სამეწარმეო რეესტრის მიხედვით, ორი დღის წინ მოკლული ვარკეთილის ე.წ. “თათრების ბაზრობის” მეწილე ნუგზარ კახიძე “შპს ვარკეთილი96”-ის გარდა კიდევ სამი კომპანიის დირექტორი და ორი კომპანიის მეწილეა:

ნუგზარ კახიძე

შპს არწივი 08 დირექტორი
შპს ლასთინგი დირექტორი
შპს ბიფორი დირექტორი
შპს ვარკეთილი-96 მეწილე
შპს ვარკეთილი 2002 მეწილე
შპს საქართველო 2000 მეწილე

შეგახსენებთ, ნუგზარ კახიძე საკუთარ სახლში 21 მარტს მოკლეს.

მანამდე ნუგზარ კახიძე კიდევ ერთი კომპანიის, “შპს დირნო”-ს მეწილე და დირექტორიც იყო. 2015 წელს მან საკუთარი წილი და დირექტორის თანამდებობა ჯაბა ჯიშკარიანს უსასყიდლოდ დაუთმო.  “შპს დირნო”-ს სახელი შეეცვალა და “შპს ნავთლუღი ჯგუფი” ეწოდა.

2015 წელს ნუგზარ კახიძემ საკუთარი წილი და დირექტორის თანამდებობა ჯაბა ჯიშკარიანს უსასყიდლოდ დაუთმო. "შპს დირნო"-ს სახელი შეეცვალა და "შპს ნავთლუღი ჯგუფი" ეწოდა.
2015 წელს ნუგზარ კახიძემ საკუთარი წილი და დირექტორის თანამდებობა ჯაბა ჯიშკარიანს უსასყიდლოდ დაუთმო. “შპს დირნო”-ს სახელი შეეცვალა და “შპს ნავთლუღი ჯგუფი” ეწოდა.
"შპს დირნოს" კრების მონაწილეები
“შპს დირნოს” კრების მონაწილეები

ვინ 7?

7personსაჯარო სამსახურის ბიურომ 2017 წლის 29 დეკემბერს თანამდებობის პირების ქონებრივი დეკლარაციების მონიტორინგის შედეგები რომ გამოაქვეყნა, არ გაასაჯაროვა იმ 7 თანამდებობის პირის ვინაობა, ვის შესახებაც ინფორმაცია რეაგირებისათვის საქართველოს მთავარ პროკურატურას გადაუგზავნა.

ეს ინფორმაცია “ახალგაზრდა იურისტთა ასოციაციის” წერილობითი მოთხოვნის მიუხედავად არც პროკურატურამ გაასაჯაროვა.

“საიას”  იურისტის, მარიამ გოგოსაშვილის განმარტებით,  საჯარო დაწესებულებაში თანამდებობის პირების შესახებ დაცული ინფორმაცია საჯაროა, ამიტომ “საიამ”  2018 წლის 16 თებერვალს სასამართლოს სარჩელით მიმართა და მოითხოვა, რომ დაევალოთ ზემოაღნიშნულ დაწესებულებებს ამ ინფორმაციის გადმოგზავნა.

“საჯარო სამსახურის ბიურო მიიჩნევს, რომ ინფორმაციის გასაჯაროებამ შესაძლებელია ხელი შეუშალოს პროკურატურაში მიმდინარე წარმოების პროცესს, რასაც ვერ დავეთანხმებით. აღნიშნული არ არის საქართველოს კანონმდებლობის მიხედვით საჯარო ინფორმაციის გაცემაზე უარის თქმის საფუძველი, რადგან საჯარო დაწესებულებაში თანამდებობის პირების შესახებ დაცული ინფორმაცია არ მიეკუთვნება პერსონალურ მონაცემებს და არის საჯარო ინფორმაცია. გარდა ამისა, მოთხოვნილი ინფორმაცია ასევე არ ექცევა “პერსონალურ მონაცემთა დაცვის შესახებ” საქართველოს კანონის მე-6 მუხლით განსაზღვრული განსაკუთრებული კატეგორიის მონაცემთა ნუსხაში.

ამასთან, პროკურატურაც და საჯარო სამსახურის ბიუროც ამბობს, რომ მოთხოვნილი ინფორამციის გაცემა დაკავშირებულია დანაშაულის ჩადენის გამო პირის სისხლისსამართლებრივ დევნასთან და სისხლის სამართლის წარმოების მასალებთან. მიგვაჩნია, რომ აღნიშნული პირების ვინაობა არ არის პირის სისხლისსამართლებრივ დევნასთან და სისხლის სამართლის წარმოების მასალებთან დაკავშირებით ინფორმაციის გაცემა.”– განმარტავს მარიამ გოგოსაშვილი

სასამართლომ მოსამზადებელი სხდომა 2018 წლის 12 აპრილს ჩანიშნა .

სამსონ ქუთათელაძე სტამბულის ბაზრობის 29%-ს ფლობდა

სამსონ ქუთათელაძე
სამსონ ქუთათელაძე

შპს “ერთობას”, რომელსაც რუსთავის ბაზრობის ე.წ. “სტამბულის ბაზარი” ეკუთვნის,  ოთხი მეწილე ჰყავდა. 29% სამსონ ქუთათელაძეს, 15% რუსთავის თვითმმართველობას ეკუთვნის, 28-28 პროცენტი კი უზიელ ნონის და დავიდ შატო შათაშვილს ეკუთვნით. ორივე მათგანს საქართველო-ისრაელის ორმაგი მოქალაქეობა აქვთ. შპს “ერთობას” ეკუთვნის  შპს “პილტი”-ის 25 პროცენტიც. ამ კომპანიაში 25% ბაზრის ყოფილი მეწილის, ზურაბ ჭანტურიას შვილს, მარიამ ჭანტურიასაც ეკუთვნის.

ბიოგრაფიული ცნობარიდან ირკვევა, რომ სამსონ ქუთათელაძე დამსახურებული სამხედრო მოსამსახურე იყო და არაერთ მედალს ფლობდა:

“საჩხერის ბატალიონის ოცმეთაური, დაზვერვის უფროსი, ბატალიონის მეთაური, სპეცდანიშნულების სამთო მსროლელი ბატალიონის მეთაური, ეროვნული გვარდიის დეპარტამენტის საგანგებო სიტუაციებისა და სამაშველო ძალების შტაბის უფროსი, ეროვნული გვარდიის სარდლის მოადგილე, ეროვნული გვარდიის სარდალი, საქართველოს შეიარაღებული ძალების გენშტაბის განათლების დეპარტამენტის უფროსი. ვახტანგ გორგასლის მე-3 ხარისხის ორდენის მფლობელი. მიღებული აქვს მედლები საბრძოლო დამსახურებებისთვის. აქვს ბრიგადის გენერლისა და აშშ-ს არმიის გენერალ-მაიორის საპატიო წოდება. ასევე, 2008-12 წლებში პარლამენტის წევრი ფრაქცია “ერთიანი ნაციონალური მოძრაობიდან” და საგარეო ურთიერთობათა კომიტეტის წევრი.” – ვკითხულობთ ბიოგრაფიულ ცნობარში.

შეგახსენებთ, რომ სამსონ ქუთათელაძე გუშინ შპს “ერთობის ტერიტორიაზე”, საკუთარ კაბინეტში მოკლული იპოვეს. შსს-ს ინფორმაციით, გარდაცვლილს ცეცხლნასროლი ჭრილობები აქვს.

გამოძიება  სისხლის სამართლის კოდექსის 108-ე და 236-ე მუხლებითდაიწყო, რაც  განზრახ მკვლელობას და იარაღის უკანონო შეძენა-შენახვა-ტარებას გულისხმობს.

 

 

 

 

უვადოდ დანიშნული 19 მოსამართლე

იუსტიციის უმაღლესმა საბჭომ მეორე ტურში გადასული 57 კანდიდატიდან მხოლოდ 34 შეირჩა. ჯამში 52

წყარო: www.presa.ge
წყარო: www.presa.ge

ვაკანტური ადგილი იყო. 18 თანამდებობა ვაკანტური დარჩა.

დანიშნული მოსამართლეებიდან: 15 სკოლის მსმენელია, 1 ყოფილი მოსამართლე და 18 მოქმედი მოსამართლე. აღნიშნული მოსამართლეებიდან : 19 უვადოდ დაინიშნა, 15 – სამ წლიანი გამოსაცდელი ვადით.

2018 წლის იანვარში დანიშნული მოსამართლეების სია

თბილისის აპელაცია (ადმინისტრაციული)
1. შოთა გეწაძე – უვადოდ;
2. თამარ ონიანი – უვადოდ;
3. გიორგი ტყავაძე – უვადოდ;

თბილისის აპელაცია (სისხლი)
1. ლევან თევზაძე – უვადოდ;
2. ვეფხია ლომიძე – უვადო;
3. სანდოძე ნინო – უვადოდ;
4. გოჩა ჯეირანაშვილი – უვადოდ;
2 ვაკანსია  შეუვსებელი დარჩა;

თბილისის აპელაცია (საგამოძიებო)
1. ამირან ძაბუნიძე – უვადოდ
2 ვაკანსია  შეუვსებელი დარჩა;

ქუთაისის აპელაცია (ადმინისტრაციული)
1. ვაკანსია  შეუვსებელი დარჩა;

ქუთაისის აპელაცია (სამოქალაქო)
1. ვაკანსია  შეუვსებელი დარჩა;

ქუთაისის აპელაცია (სისხლი)
1. ნანა კალანდაძე – უვადოდ იყო დანიშნული და გადაიყვანეს ქუთაისის აპელაციაში სამტრედიიდან
1 ვაკანსია  შეუვსებელი დარჩა;

თბილისის საქალაქო (ადმინისტრაციული)
1. ლაშა თავართქილაძე – უვადოდ იყო დანიშნული.  თბილისის საქალაქოში ბათუმიდან გადმოიყვანეს
2. ნათია ტოგონიძე – გამოსაცდელი ვადით;

თბილისის საქალაქო (სამოქალაქო)
1. სერგო მეთოფიშვილი – უვადოდ;
2. ივერი აბაშიძე – გამოსაცდელი ვადით;
3. მაია გიგაური – უვადოდ იყო დანიშნული.  თბილისის საქალაქოში რუსთავიდან გადმოიყვანეს;
4. თინა ვაშაყმაძე – გამოსაცდელი ვადით;
5. გენადი მაკარიძე – უვადოდ იყო დანიშნული.  თბილისის საქალაქოში ქუთაისიდან გადმოიუვანეს;
6. ხათუნა ჯინორია – გამოსაცდელი ვადით;

თბილისის საქალაქო (საგამოძიებო, წინასასამართლო და არსებითი)
1. თემურ გოგოხია – უვადოდ;
2. მაია კვირიკაშვილი – გამოსაცდელი ვადით;
3. გიორგი ებანოიძე – უვადოდ;
4. იზა კელენჯერიძე – გამოსაცდელი ვადით;

ბათუმის საქალაქო (სამოქალაქო)
1. ირმა ტოგონიძე – გამოსაცდელი ვადით;

ბათუმი საქალაქო (სისხლი)
1. ვაკანსია შეუვსებელი დარჩა;

ქუთაისის საქალაქო (ადმინისტრაციული)
1. ლელა მილდენბერგერი – გამოსაცდელი ვადით;

ქუთაისის საქალაქო (სამოქალაქო)
1. დარინა აბულაძე – გამოსაცდელი ვადით;

ქუთაისის საქალაქო (სისხლი)
1. გოგოლაური თათია – გამოსაცდელი ვადით;

ახალქალაქის რაიონული
ვაკანსია  შეუვსებელი დარჩა;

ბოლნისის რაიონული
1. ნინო თარაშვილი – გამოსაცდელი ვადით;

გორის რაიონული
1. გოგა კუპრეიშვილი – გამოსაცდელი ვადით;

გურჯაანის რაიონული (ლაგოდეხის მაგისტრატი)
1. იოსებ აბრამიძე – გამოსაცდელი ვადით;

ზესტაფონის რაიონული (თერჯოლის მაგისტრატი)
ვაკანსია  შეუვსებელი დარჩა;

ზუგდიდის რაიონულის 1 ვაკანსია და ზუგდიდის რაიონული (ჩხოროწყუს მაგისტრატი)
2 ვაკანსია დარჩა შეუვსებელი ვინაიდან კანდიდატები  სხვა სასამართლოებში დაინიშნენ;

თელავის რაიონული
1. ჩახნაშვილი ნინო – გამოსაცდელი ვადით;

მცხეთის რაიონული (ადმინისტრაციული)
ვაკანსია  შეუვსებელი დარჩა;

მცხეთის რაიონული (სამოქალაქო)
ვაკანსია  შეუვსებელი დარჩა;

მცხეთის რაიონული (ახალგორის მაგისტრატი)
1. ბადრი შონია – უვადოდ;

მცხეთის რაიონული (ყაზბეგის მაგისტრატი)
1. სოფიო ლეჟავა – გამოსაცდელი ვადით;

სენაკის რაიონული
ვაკანსია  შეუვსებელი დარჩა;

სენაკის რაიონული (აბაშის მუნიციპალიტეტი)
1. ალექსანდრე გოგუაძე – უვადოდ;

სიღნაღის რაიონული
ვაკანსია  შეუვსებელი დარჩა;

ფოთის საქალაქო
1. თეიმურაზ სიხარულიაძე – უვადოდ;

ხელვაჩაურის რაიონული (შუახევის მაგისტრატი)
ვაკანსია  შეუვსებელი დარჩა;

გასაუბრების ეტაპზე ორმა კანდიდატმა  კანდიდატურა მოხსნა, ერთი არ გამოცხადდა გასაუბრებაზე. გასაუბრების ეტაპზე 79 კონკურსანტიდან 28 კანდიდატმა მოითხოვა სხდომის დახურვა, ხოლო ორმა – წევრის აცილება.

სამმა კანდიდატმა კენჭისყრის ეტაპამდე  კანდიდატურა მოხსნა. დარჩენილი 76 კანდიდატიდან კენჭისყრის ეტაპზე გადავიდნენ მხოლოდ მოსამართლეობის ის კანდიდატები, რომელთა კეთილსინდისიერების კრიტერიუმით შეფასებისას იუსტიციის უმაღლესი საბჭოს სრული შემადგენლობის ნახევარზე მეტმა მიიჩნია, რომ კანდიდატი აკმაყოფილებდა ან სრულად აკმაყოფილებდა კეთილსინდისიერების კრიტერიუმს.

რატომ არ იხდიან კომპანიები შსს-ს ვალს?

shss

სახელმწიფო აუდიტის სამსახურმა შინაგან საქმეთა სამინისტრო შეამოწმა და 2016 წლის 31 დეკემბრის მდგომარეობით ფინანსური აუდიტის ანგარიში გამოაქვეყნა.

ანგარიშის მიხედვით, მოიჯარეებს 2016 წლის ჩათვლით სამინისტროს მიმართ 150 700  ლარის დავალიანება ერიცხებოდათ. 2017 წელს ეს რიცხვი 144 500 ლარით გაიზარდა და 31 დეკემბრის მდგომარეობით 295 200  ლარი შეადგინა.

შპს “ნიგი 2009”-მ 2014 წელს სამინისტროს მიერ გამოცხადებული ტენდერი მოიგო. შსს-ს კუთვნილ რამდენიმე ობიექტზე ფართები იქირავა და  ერთი წლის განმავლობაში სამხედრო მომსახურეებისა და მორიგე თანამშრომლების კვებით უზრუნველყოფის პასუხისმგებლობა აიღო.

2014 წლის განმავლობაში სამინისტრომ კომპანიას ჯამში 1 196 200 ლარი გადაუხადა, ისე რომ მისგან საიჯარო ქირის სახით არსებული დავალიანება არ დაუქვითა და, შესაბამისად, არც  ბიუჯეტში გადაურიცხავს.

2015 წლის 1 იანვრის მდგომარეობით კომპანიას სამინისტროს წინაშე არსებულ დავალიანებას,  88 500 ლარს, დაემატა საურავი 5 400 ლარის ოდენობით და ჯამში 93 900 ლარი შეადგინა.

“დავალიანების მისაღებად სამინისტროს შესაბამისი სამსახურების მიერ გატარებული ღონისძიებები დაგვიანებული და უშედეგო აღმოჩნდა, რადგან კომპანიას საერთოდ არ აღმოაჩნდა აქტივები. კომპანიას სასამართლოს განჩინებით უარი ეთქვა გადახდისუნარიანობის საქმის გახსნაზე იმ მოტივით, რომ საპროცესო ხარჯის გადახდის საშუალებაც არ ჰქონდა. ამავე მოტივით, სამინისტროს იურიდიულმა დეპარტამენტმა აღარ გააგრძელა პროცედურები სასამართლოს გზით დავალიანების ამოსაღებად, რითაც მათი განმარტებით, თავიდან აიცილა საპროცესო ბაჟი 5000 ლარის ოდენობით.” – ნათქვამია აუდიტორულ დასკვნაში.

სასამართლო გადაწყვეტილებით, სამინისტრო  შპს “ნიგი 2009”-ის კრედიტორია. თუმცა კომპანია 2016 წლის 12 აგვისტოს ლიკვიდირებულია ამიტომ დავალიანების ამოღების ალბათობა პრაქტიკულად არ არსებობს.

ჩვენ შპს “ნიგი 2009”-ის მეპატრონეს, თეიმურაზ ჯავახიშვილს დავუკავშირდით და ვკითხეთ, რატომ დაუგროვდა კომპანიას დავალიანება და აპირებს თუ არა ვალდებულების შესრულებას.

“კომპანია ლიკვიდირებულია უკვე რამდენიმე წელია. კომპანიას ფინანსური პრობლემები ჰქონდა, ვერ ვახერხებდით იჯარის გადახდას და გავკოტრდით.” – ამბობს თეიმურაზ ჯავახიშვილი.

აღნიშნულ კომპანიასთან 2013 წლამდე სხვადასხვა საჯარო დაწესებულებები პირდაპირი შესყიდვის გზით ხელშეკრულებებს აფორმებდნენ 2015 წლამდე კი გამოცხადებულ ტენდერებში მონაწილეობდა და მიმწოდებელი ხდებოდა.

კიდევ ერთი კომპანია, რომელსაც შსს-ს მიმართ   დავალიანება ერიცხება არის შპს “ლაგი 2009”. კომპანია 2016 წლის განმავლობაში სამინისტროს რამდენიმე ობიექტზე კვებით მომსახურებას უზრუნველყოფდა. თუმცა ხელშეკრულების ვადა 2016 წლის 31 დეკემბერს ამოიწურა. სამინისტრომ კომპანიის წინააღმდეგ თბილისის საქალაქო სასამართლოში სარჩელი უკვე შეიტანა და არსებული დავალიანების, 91 700 ლარის, დაფარვას ითხოვს.

აღნიშნული კომპანია სხვადასხვა საჯარო დაწესებულებების დამკვეთი პირდაპირი შესყიდვის გზით ხშირად ხდებოდა. ბოლო ხელშეკრულება 2016 წლის 15 ნოემბერსაა გაფორმებული.

100 500 ლარის დავალიანება ერიცხება კომპანია “შპს ადვესა”-ს, რომელსაც წლების განმავლობაში სამინისტროს კუთვნილ სხვადასხვა შენობაში სავაჭრო აპარატების განსათავსებლად ფართები ჰქონდა ნაქირავები. ფინანსური აუდიტის ანგარიშში ნათქვამია, რომ კომპანია მხოლოდ ნაწილობრივ ასრულებდა მასზე დაკისრებულ იჯარის გადახდის ვალდებულებას, რის გამოც დავალიანება ყოველწლიურად იზრდებოდა . მიუხედავად ამისა, სამინისტრომ კომპანიას კონტრაქტი მაინც გაუგრძელა. 2015 წლის 14 იანვარს, მაშინ როდესაც შპს-ს დავალიანება 54 600 ლარი იყო, სამინისტრომ კიდევ ერთ, ორწლიან ხელშეკრულებას მოაწერა ხელი.

“ჩვენ შსს-ს სხვადასხვა ობიექტებზე ყავის, ჩაის და სავაჭო აპარატები გვედგა. დაახლოებით 40 აპარატი ჯამში.  დავალიანების დაგროვება ჩვენი ბრალი იყო, რადგან ქირის გადახდას ვერ ვახერხებდით. სასამართლო გადაწყვეტილებით ჩვენ დაგვეკისრა არა მხოლოდ დავალიანების დაფარვა, არამედ საურავიც დაემატა. ამჟამად იყიდება კომპანიის საკუთრებაში არსებული აპარატები და ამ წლის ბოლომდე, სავარაუდოდ, დავფარავთ დავალიანებას, თუმცა კონკრეტული თარიღი არ გვაქვს. ამჟამად ჩვენი კომპანია აღარ ფუნქციონირებს.” – განმარტავს ნუგზარ ჭიჭინაძე, შპს “ადევსა”-ს წარმომადგენელი.

 “მიუხედავად იმისა რომ ისინი არ იხდიდნენ საიჯარო გადასახდელებს, სამინისტროს მიერ დროულად არ გატარდა შესაბამისი რეაგირების ღონისძიებები, რამაც აღნიშნული დავალიანების დაგროვება გამოიწვია.” – ნათქვამია ანგარიშში.

რა გამოტოვა იუსტიციის უმაღლესმა საბჭომ ანგარიშში

IMG_3567

იუსტიციის უმაღლესი საბჭოს მიერ გამოქვეყნებულ ოთხწლიანი მუშაობის ანგარიშს არასამთავრობო ორგანიზაციების წარმომადგენლები აფასებენ.
13 დეკემბერს პრეზენტაციაზე მედიის წარმომადგენლები არ მიუწვევიათ, მას არასამთავრობო ორგანიზაციების წარმომადგენლები ესწრებოდნენ.

ჩვენ ორ მათგანს, დიმიტრი ხაჩიძესა და ეკა ციმაკურიძეს ვკითხეთ, რამდენად სრულყოფილია ანგარიში.

მათი აზრით, ტესტების სკანდალის გარდა, იუსტიციის უმაღლესმა საბჭომ ანგარიშში კიდევ ბევრი მნიშვნელოვანი ფაქტი გამოტოვა.

“კონსტიტუციის 42-ე მუხლის” იურისტი, დიმიტრი ხაჩიძე მიიჩნევს, რომ საბჭოს მიერ წარმოდგენილი ანგარიში დეკლარაციული ხასიათისაა და ამ წლების მანძილზე დაგროვილი პრობლემების ანალიზს და გადაჭრის გზებს არ გვთავაზობს.

ანგარიშში არ მოხვდა სასამართლო სისტემაში შერჩევა-დანიშვნის დროს არაგამჭვირვალე კრიტერიუმების საკითხი. თავმჯდომარეების საკითხი – არავინ  იცის, რა უფლება-მოვალეობაზეა საუბარი, რა გავლენას ფლობენ თავმჯდომარეები რიგით მოსამართლეებზე.  

2013-14 წლებში დისციპლინარულ კოლეგიას ერთი საკითხიც არ განუხილავს. საჩივრები იყო უამრავი. საბჭოშივე ჩაიხშო ყველა. ის, რომ სასამართლოში არსებობდა და არსებობს პრობლემები ვთანხმდებით ყველა – არასამთავრობოები, სამოქალაქო სექტორი, მოქმედი და წინა ხელისუფლება, მაგრამ ერთადერთი, ვინც ამ გარემოებას არ ეთანხმება, არის სასამართლო. პირველ რიგში, საბჭომ უნდა აღიაროს ის პრობლემები, რომლებიც არის სასამართლო სისტემაში დღეს. 

ეს ანგარიში ეძღვნება იმას,თუ რა გამოსწორდა, რა არის კარგი დღეს სასამართლო სისტემაში, მაგრამ მნიშვნელოვანი არის ის, თუ რა გამოწვევების წინაშე დგას დღეს სასამართლო, რა პრობლემები იყო, რითი იყო გამოწვეული და როგორ მოხდა ამ პრობლემების გადაჭრა. არცერთ ამ კითხვაზე პასუხი ამ ანგარიშში არ არის.”.

ამ პოზოციას იზიარებს ახალგაზრდა იურისტთა ასოციაციის იურისტი ეკა ციმაკურიძეც. მისი თქმით, საბჭოს მიერ მომზადებულ ანგარიშში მხოლოდ პოზიტიური მხარეა ნაჩვენები.

“ჩემი განცდაა, რომ ანგარიში ცალმხრივია და აჩვენებს სურათს, თუ როგორ ხედავს საბჭო თავის თავს და არა ობიექტურად: რაშია პრობლემები და რას პასუხობს ამ პრობლემებს საბჭო. ანგარიში ძალიან განსხვავდება იმ შეფასებებისგან, რომელიც წლების განმავლობაში სამოქალაქო საზოგადოების მხრიდან კეთდებოდა საბჭოს მუშაობასთან დაკავშირებით. მწვავე საკთხებთან დაკავშირებით, რა პრობლემებიც იყო და არის, ანგარიშში არის გარკვეულწილად საუბარი, მაგრამ მხოლოდ პოზიტიური მხარეებია ნახსენები. მაგალითად, მოსამართლეთა დანიშნვასთან დაკავშირებით საკითხი მხოლოდ პოზიტიური მხრიდანაა შეფასებული და არაა ახსნილი, რატომ იყო ასეთი კრიტიკა და რას პასუხობს იუსტიციის საბჭო?”

იუსტიციის უმაღლესი საბჭოს არამოსამართლე წევრების მიერ მომზადებულ დასკვნაში ბოლო წლების განმავლობაში გატარებულ საკანონმდებლო ცვლილებებზეც არის ყურადღება გამახვილებული.

“საკანონმდებლო ცვლილებები არ არის საბჭოს საქმიანობის სფერო.  2013 წლიდან სამი ტალღა განხორციელდა და აქ საკანონმდებლო ორგანომ და აღმასრულებელმა იმუშავეს. ერთი, რომ არ არის საბჭოს დამსახურება და მეორე, იყო საკითხები, რომლებიც იუსტიციის უმაღლესი საბჭოს და მოსამართლეთა მოთხოვნით არ განხორციელდა, ამიტომ ანგარიშში ამ ცვლილებებზე პოზიტიური შეფასებები გაუგებარია.“ — ფიქრობს ეკა ციმაკურიძე

 

 

 

 

 

2017 წლის დეკლარაციების მონიტორინგის შედეგები

საჯარო სამსახურის ბიურომ 2017 წელს შევსებული დეკლარაციების მონიტორინგის შედეგები გამოაქვეყნა. 284 შემთხვევითი შერჩევის პრინციპით, ხოლო სამი დასაბუთებული წერილობითი განცხადების საფუძველზე შემოწმდა. ჯამში 287 დეკლარაციიდან, 224 დეკლარაცია, ანუ  78%-ი უარყოფითად შეფასდა, აქედან 13 საიდუმლო თანამდებობის პირთა კატეგორიას განეკუთვნება. 56 დეკლარაცია, ანუ 20%-ი, დადებითად შეფასდა , საიდანაც 4 საიდუმლო თანამდებობის პირთა კატეგორიას განეკუთვნება. წარმოება შეწყდა 2%-ზე.  აღსანიშნავია, რომ უარყოფითად შეფასებული დეკლარანტებიდან 128 თანამდებობის პირი დაჯარიმდა.

 

Screen Shot 2018-01-03 at 04.03.57

 

“უარყოფითად შეფასებული დეკლარაციებიდან 7 დეკლარაციაში გამოვლენილი დარღვევების შეფასება ცდება საჯარო სამსახურის ბიუროს კომპეტენციას და  ეს შემთხვევები შემდგომი რეაგირებისთვის შესაბამის უწყებებს გადაეგზავნათ.” – ნათქვამია დეკლარაციების მონიტორინგის შედეგების ანგარიშში. 

“საერთაშორისო გამჭვირვალობა – საქართველომ”  საჯარო სამსახურის ბიუროს წერილობით მიმართა და დამატებით საქართველოს პარლამენტის 54 წევრისა და სააპელაციო სასამართლოს მოსამართლის, ლევან მურუსიძის დეკლარაციების შემოწმებაც მოითხოვა. ანგარიშიდან ირკვევა, რომ მონიტორინგი დაწყებულია და მიმდინარეობს წერილში მითითებული პირების დეკლარაციების შემოწმება. 

შეგახსენებთ, რომ 2017 წლის იანვარში საჯარო სამსახურის ბიუროში შეიქმნა სპეციალური სამსახური, რომელსაც თანამდებობის პირთა მიერ შევსებული დეკლარაციების მონიტორინგი ევალება.

  

იუსტიციის უმაღლესი საბჭოს 4 წელი ერთ ანგარიშში

იუსტიციის უმაღლესი საბჭოს ვებგვერდზე წლიური ანგარიშების განყოფილებაში მხოლოდ საბჭოს 2013 წლის ანგარიშია ატვირთული.

ჩვენ საბჭოს 13 დეკემბერს მივმართეთ კითხვით, რატომ არ არის ატვირთული შემდგომი წლების წლიური ანგარიშები? საბჭოდან ჯერჯერობით პასუხი არ მიგვიღია.

20 დეკემბერს საბჭოს ყოფილმა წევრებმა განვლილი ოთხლიანი მუშაობის ანგარიშის პრეზენტაცია უზენაესი სასამართლოს შენობაში გამართეს.

პრეზენტაციაზე მედიასაშუალებები არ მიუწვევიათ.

პრეზენტაციას ესწრებოდნენ იუსტიციის უმაღლესი საბჭოს წევრები, საქართველოს უზენაესი სასამართლოს მოსამართლეები, სახელმწიფო უწყებების, საერთაშორისო, დონორი და არასამთავრობო ორგანიზაციების წარმომადგენლები.
უზენაესი სასამართლოს ვებგვერდზე ანგარიში ორ ენაზეა ატვირთული ქართულად და ინგლისურად.

აღსანიშნავია, რომ ანგარიშში ტესტების გახმაურებული სკანდალი საერთოდ არ არის ნახსენები.

 

უზენაეს სასამართლოში იუსტიციის უმაღლესი საბჭოს საქმიანობის ანგარიშის (2013 წლის ივნისიდან 2017 წლის მაისის ჩათვლით) პრეზენტაცია გაიმართა
უზენაეს სასამართლოში იუსტიციის უმაღლესი საბჭოს საქმიანობის ანგარიშის (2013 წლის ივნისიდან 2017 წლის მაისის ჩათვლით) პრეზენტაცია გაიმართა