შალვა თადუმაძის ინტერესთა კონფლიქტის რისკი

შალვა თადუმაძე – საქართველოს მთავარი პროკურორი

მთავარი პროკურორის შალვა თადუმაძისა და მისი მეუღლის, მზევინარ ანსიანის სახელზე სამეწარმეო რეესტრში რამდენიმე ორგანიზაციაა რეგისტრირებული.

მათ შორის ორს წესდებაში უწერია, რომ მათი საქმიანობის ერთ-ერთი საგანი საადვოკატო საქმიანობაა.

 

კს შალვა თადუმაძე და ბი-ელ-ფი კონსალტინგი

საქმიანობის საგანი:

1. საადვოკატო საქმიანობა

2. იურიდიული მომსახურება

3. ტრენირება სამართლებრივ საკითხებში

4. ფსიქოლოგიური ტრენირება

5. ფსიქოლოგიური მომსახურება

 

კს მზევინარ ანსიანის ლოია კლაბი

საქმიანობის საგანი:

1. საადვოკატო საქმიანობა

2.საკონსულტაციო საქმიანობა

შალვა თადუმაძის მეუღლე
მზევინარ ანსიანი -შალვა თადუმაძის მეუღლე

 

 

გარდა ამისა, მზევინარ ანსიანი ამ ორი ორგანიზაციისგან დამოუკიდებლადაც არის სისხლის სამართლის საქმეებზე ადვოკატი. მაგალითად, ბიზნესმენმა რამაზ ახვლედიანმა, 22 ივლისს დაგვიდასტურა, რომ მზევინარ ანსიანი “ლისის ტბის საქმეზე” მისი  სისხლის სამართლის ადვოკატი იყო, თუმცა რამაზ ახვლედიანის თქმით მან მოსალოდნელი უხერხულობების თავიდან ასაცილებლად მზევინარ ანსიანთა კონტრაქტის გაუქმება გადაწყვიტა. 

 

ვინაიდან ყველა სისხლის სამართლის საქმე კავშირშია პროკურატურასთან, ჩნდება კითხვა:

წარმოექმნება თუ არა მთავარ პროკურორს ინტერესთა კონფლიქტი თუ მისი მეუღლე კვლავ იქნება სისხლის სამართლის საქმეთა ადვოკატი და,  თუ, ზემოთხსენებული ორი ბიუროს ადვოკატები  იმუშავებენ სისხლის სამართლის საქმეებზე.

ჩვენ  შალვა თადუმაძესთან და მის მეუღლესთან გასაუბრების ორკვირიანი მცდელობების შემდეგ მივიღეთ წერილობითი განმარტება:

“კანონმდებლობის თანახმად, სისხლის სამართლის საქმის წარმოებაში ინტერესთა კონფლიქტის არსებობის შემთხვევაში, მხარეებს უფლება აქვთ მოითხოვონ აცილება ან მოახდინონ თვითაცილება. საქართველოს მთავარი პროკურის შალვა თადუმაძის მეუღლემ მზეო ანსიანმა წარმოებაში არსებულ ყველა სისხლის სამართლის საქმეზე მოახდინა თვითაცილება, რაც საქმეებში არსებული დოკუმენტაციებით დასტურდება. ასევე გაცნობებთ, რომ მთავარი პროკურორის მეუღლესთან დაკავშირებულ საადვოკატო კომპანიებში დაწყებულია შესაბამისი პროცედურები სისხლის სამართლის საადვოკატო საქმიანობის შეჩერების თაობაზე. შესაბამისი დოკუმენტაცია პროცედურების დასრულების შემდეგ გამოქვეყნდება.”

უახლოეს მომავალში ჩვენ გადავამოწმებთ აიცილა თუ არა მთავარი პროკურორის მეუღლემ ყველა სისხლის სამართლის საქმე და ასევე შეაჩერა თუ არა სისხლის სამართლის საადვოკატო საქმიანობა შალვა თადუმაძის ოჯახთან დაკავშირებულმა საადვოკატო ბიუროებმა. შესაბამისი დოკუმენტები ჯერ არ გამოქვეყნებულა.

 

ხარვეზი მამუკა ბახტაძის დეკლარაციაში

მამუკა ბახტაძე
მამუკა ბახტაძე

საქართველოს პრემიერ-მინისტრობის კანდიდატს მამუკა ბახტაძეს დეკლარაციებში არ აქვს მითითებული კავშირი ორგანიზაციასთან: “სამედიცინო ბიზნეს კონსალტინგის ჯგუფი.”

სამეწარმეო რეესტრის მიხედვით, ბახტაძე დღემდე ამ ორგანიზაციის დირექტორი და დამფუძნებელია.

მოქმედი წესების მიხედვით, როგორც თანამდებობის პირი, ის ვალდებული იყო მიეთითებინა მისი კავშირი “სამედიცინო ბიზნეს კონსალტინგის ჯგუფთან,” მიუხედავად იმისა, აქტიური იყო თუ არა იმ დროისთვის ეს ორგანიზაცია.

გარდა ამისა, მას, როგორც საჯარო მოხელეს, რომელიმე ორგანიზაციაში მენეჯერის პოზიციაზე ყოფნის უფლება არ ჰქონდა.

სამეწარმეო რეესტრის ჩანაწერი

უმინისტრო შემოწმება

2018 წელს საჯარო სამსახურის ბიურო 298 თანამდებობის პირის დეკლარაციას შეამოწმებს, რომ დაადგინოს, ისინი რამდენად ზედმიწევნით ზუსტად ასაჯაროვებენ ფინანსურ მდგომარეობას და ხომ არ მალავენ რაიმე ქონებას.

წელს ამ სიაში არცერთი მინისტრი არ მოხვდა

მთავრობის სხდომა 2018წ. (www.gov.ge)

 

ახალი მინისტრის ოჯახის ბიზნესი

მაია ცქიტიშვილი
მაია ცქიტიშვილი

ინფრასტრუქტურის მინისტრად დანიშვნამდე ერთი დღით ადრე, 2018 წლის 29 მარტს მთავრობის კანცელარიის უფროსმა მაია ცქიტიშვილმა საკუთარი 75%-იანი წილი,  კომპანიაში შპს თბილისის კომერციული ქონება საკუთარ მეუღლეს, დავით ხატიაშვილს აჩუქა.

წესდების მიხედვით, კომპანიის სახელწოდება ინგლისურად არის:Tbilisi Commercial Property. 

კომპანიის შექმნისას ძირითად მიზნად დასახელებული იყო: “მოგების მიღება, როგორც საქართველოში, ისე მის ფარგლებს გარეთ.

წილის ჩუქების ხელშეკრულება
წილის ჩუქების ხელშეკრულება

tskitishvili_partners

შპს “თბილისის კომერციული ქონების” თავდაპირველი დამფუძნებელი იყო შპს “მიკროკლიმატი”.

შპს “მიკროკლიმატმა” თავისი სასეხო დავალიანება 640724.5 ლარი ახლადდაფუძნებულ კომპანიას გადასცა.

გირავნობა/ლიზინგის რეესტრში დავალიანების შესახებ წერია:

გადაწყვეტილება # R14018559/3 ( 19 ივნ 2014 19:32:47 )

რეგისტრაციის შესახებ

სარეგისტრაციო სამსახურს წარედგინა განცხადება (No.R14018559; 19 ივნ 2014 19:22:18;)
განმცხადებელი: შპს თბილისის კომერციული ქონება /405047471 /
განცხადებით მოთხოვნილია: რეგისტრირებულ გირავნობის უფლებაში ცვლილების რეგისტრაცია.

‘საჯარო რეესტრის შესახებ’ საქართველოს კანონის შესაბამისად დარეგისტრირდეს უფლება.

გირავნობა ( R14018559 ) 19 ივნ 2014 19:22:18
უფლების რეგისტრაციის თარიღი: 19 ივნ 2014 19:24:01
უფლების რეგისტრაციის ვადა: უვადო

სუბიექტი
კრედიტორი : სს საქართველოს ბანკი (საქართველო) 204378869
მესაკუთრე : შპს მიკროკლიმატი (საქართველო) 401945277
მესაკუთრე : ცქიტიშვილი მაია (საქართველო) 01007001462
მესაკუთრე : კანდელაკი ირაკლი (საქართველო) 01020005025

გირავნობა
არამატერიალური ქონებრივი სიკეთე :
შპს „მიკროკლიმატის“ (ს/ნ 401945277) არსებული და სამომავლო მთელი არამატერიალური ქონებრივი სიკეთე
არამატერიალური ქონებრივი სიკეთე :
შპს თბილისის კომერციული ქონებაში (ს.ნ 405047471) მაია ცქიტიშვილის (პ.ნ 01007001462) 75% წილი და ირაკლი კანდელაკის-25% წილი.
არაიდენტიფიცირებადი მოძრავი ნივთი :
შპს „მიკროკლიმატის“ (ს/ნ 401945277) არსებული და სამომავლო მთელი მოძრავი ქონება

 

დავით ხატიაშვილი “შპს თბილისის კომერციული ქონების”   გარდა კიდევ რამდენიმე კომპანიის მეწილე, დამფუძნებელი და დირექტორია:

საიდენტიფიკაციო კოდი სახელწოდება  მონაწილე მონაწილეობის ტიპი
405249789 შპს სავაჭრო ცენტრი დავით ხატიაშვილი დირექტორი
205000960 “თბილისის სტრატეგიული განვითარების ცენტრი” დავით ხატიაშვილი დამფუძნებელი
205059336 შპს ბიკონსალტინგი დავით ხატიაშვილი მეწილე
401945277 შპს მიკროკლიმატი დავით ხატიაშვილი მეწილე
404978814 შპს ბილდინგ სოლუშენს დავით ხატიაშვილი მეწილე
405048158 სს ჯორჯიათრეიდი დავით ხატიაშვილი დირექტორი

 წილის ჩუქების შემდეგ შეიცვალა “შპს თბილისის კომერციული ქონების” ელექტრონული ფოსტის მისამართიც და ახლა არის: david@georgiatradegroup.ge
დომეინის “georgiatradegroup”  მფლობელია: სააქციო საზოგადოება ჯორჯიათრეიდი

“ტენდერების მონიტორის” მიხედვით, “სს ჯორჯიათრეიდის” მიერ მოგებული 42  სატენდერო კონტრაქტის საერთო ღირებულებაა 708960 ლარი, ხოლო 23 გამარტივებული შესყიდვის
ხელშეკრულებების საერთო ღირებულებაა : 30930.30 ლარი

 

"სს ჯორჯიათრეიდის" ტენდერები
“სს ჯორჯიათრეიდის” ტენდერები

 

ამ შესყიდვებში გამოყენებული კლასიფიკატორებია:

  • მილები და მილსადენების არმატურა
  • ღობეების, მოაჯირებისა და დამცავი მოწყობილობების მონტაჟი
  • სამშენებლო მასალები
  • სამშენბლო მასალები და დამხმარე სამშენებლო მასალები
  • მილსადენები/მილსადენი სისტემები/მილსადენების ქსელი, გარსაცმები, შლანგები და მათტან დაკავშირებული მასალები.
  • სამშენებლო
  • ლითონის კონსტრუქციების აწყობა
  • რკინა, ტყვია, თუთა, კალა და სპილენძი
  • სხვადასხვაგვარი სამშენებლო მასალა
  • ფანჯრები, კარები და მათტან დაკავშირებული საგნები
  • ძირითადი ლითონები

შემსყიდველები იყვნენ:

  • სახელმწიფო სამშენებლო კომპანია
  • შოთა მესხიას ზუგდიდის სახელმწიფო სასწავლო უნივერსიტეტი
  • საზოგადოებრივი კოლეჯი “იბერია”
  • შპს “სინათლის ქალაქი”
  • აჭარის ა.რ. მთავრობის საქვეუწყებო დაწესებულება საავტომობილო გზებისა და სამელიორაციო სისტემების მართვის დეპარტამენტი
  • სს “საქართველოს სახელმწიფო ელექტროსისტემა”
  • თვითმმართელი ერთეული ხარაგაულის მუნიციპალიტეტი
  • სააქციო საზოგადოება კახეთის ენერგოდისტრიბუცია
  • თბილსერვის ჯგუფი

ვინ 7?

7personსაჯარო სამსახურის ბიურომ 2017 წლის 29 დეკემბერს თანამდებობის პირების ქონებრივი დეკლარაციების მონიტორინგის შედეგები რომ გამოაქვეყნა, არ გაასაჯაროვა იმ 7 თანამდებობის პირის ვინაობა, ვის შესახებაც ინფორმაცია რეაგირებისათვის საქართველოს მთავარ პროკურატურას გადაუგზავნა.

ეს ინფორმაცია “ახალგაზრდა იურისტთა ასოციაციის” წერილობითი მოთხოვნის მიუხედავად არც პროკურატურამ გაასაჯაროვა.

“საიას”  იურისტის, მარიამ გოგოსაშვილის განმარტებით,  საჯარო დაწესებულებაში თანამდებობის პირების შესახებ დაცული ინფორმაცია საჯაროა, ამიტომ “საიამ”  2018 წლის 16 თებერვალს სასამართლოს სარჩელით მიმართა და მოითხოვა, რომ დაევალოთ ზემოაღნიშნულ დაწესებულებებს ამ ინფორმაციის გადმოგზავნა.

“საჯარო სამსახურის ბიურო მიიჩნევს, რომ ინფორმაციის გასაჯაროებამ შესაძლებელია ხელი შეუშალოს პროკურატურაში მიმდინარე წარმოების პროცესს, რასაც ვერ დავეთანხმებით. აღნიშნული არ არის საქართველოს კანონმდებლობის მიხედვით საჯარო ინფორმაციის გაცემაზე უარის თქმის საფუძველი, რადგან საჯარო დაწესებულებაში თანამდებობის პირების შესახებ დაცული ინფორმაცია არ მიეკუთვნება პერსონალურ მონაცემებს და არის საჯარო ინფორმაცია. გარდა ამისა, მოთხოვნილი ინფორმაცია ასევე არ ექცევა “პერსონალურ მონაცემთა დაცვის შესახებ” საქართველოს კანონის მე-6 მუხლით განსაზღვრული განსაკუთრებული კატეგორიის მონაცემთა ნუსხაში.

ამასთან, პროკურატურაც და საჯარო სამსახურის ბიუროც ამბობს, რომ მოთხოვნილი ინფორამციის გაცემა დაკავშირებულია დანაშაულის ჩადენის გამო პირის სისხლისსამართლებრივ დევნასთან და სისხლის სამართლის წარმოების მასალებთან. მიგვაჩნია, რომ აღნიშნული პირების ვინაობა არ არის პირის სისხლისსამართლებრივ დევნასთან და სისხლის სამართლის წარმოების მასალებთან დაკავშირებით ინფორმაციის გაცემა.”– განმარტავს მარიამ გოგოსაშვილი

სასამართლომ მოსამზადებელი სხდომა 2018 წლის 12 აპრილს ჩანიშნა .

2017 წლის დეკლარაციების მონიტორინგის შედეგები

საჯარო სამსახურის ბიურომ 2017 წელს შევსებული დეკლარაციების მონიტორინგის შედეგები გამოაქვეყნა. 284 შემთხვევითი შერჩევის პრინციპით, ხოლო სამი დასაბუთებული წერილობითი განცხადების საფუძველზე შემოწმდა. ჯამში 287 დეკლარაციიდან, 224 დეკლარაცია, ანუ  78%-ი უარყოფითად შეფასდა, აქედან 13 საიდუმლო თანამდებობის პირთა კატეგორიას განეკუთვნება. 56 დეკლარაცია, ანუ 20%-ი, დადებითად შეფასდა , საიდანაც 4 საიდუმლო თანამდებობის პირთა კატეგორიას განეკუთვნება. წარმოება შეწყდა 2%-ზე.  აღსანიშნავია, რომ უარყოფითად შეფასებული დეკლარანტებიდან 128 თანამდებობის პირი დაჯარიმდა.

 

Screen Shot 2018-01-03 at 04.03.57

 

“უარყოფითად შეფასებული დეკლარაციებიდან 7 დეკლარაციაში გამოვლენილი დარღვევების შეფასება ცდება საჯარო სამსახურის ბიუროს კომპეტენციას და  ეს შემთხვევები შემდგომი რეაგირებისთვის შესაბამის უწყებებს გადაეგზავნათ.” – ნათქვამია დეკლარაციების მონიტორინგის შედეგების ანგარიშში. 

“საერთაშორისო გამჭვირვალობა – საქართველომ”  საჯარო სამსახურის ბიუროს წერილობით მიმართა და დამატებით საქართველოს პარლამენტის 54 წევრისა და სააპელაციო სასამართლოს მოსამართლის, ლევან მურუსიძის დეკლარაციების შემოწმებაც მოითხოვა. ანგარიშიდან ირკვევა, რომ მონიტორინგი დაწყებულია და მიმდინარეობს წერილში მითითებული პირების დეკლარაციების შემოწმება. 

შეგახსენებთ, რომ 2017 წლის იანვარში საჯარო სამსახურის ბიუროში შეიქმნა სპეციალური სამსახური, რომელსაც თანამდებობის პირთა მიერ შევსებული დეკლარაციების მონიტორინგი ევალება.

  

პროკურისტი პროკურორის მოადგილე

გიორგი გოგაძე
გიორგი გოგაძე

გიორგი გოგაძემ, საქართველოს მთავარი პროკურორის მოადგილემ, ქონებრივი დეკლარაცია უკვე ოთხჯერ შეავსო,  თუმცა შპს “კაპიტალინვესტ ჯგუფი” სადაც ის პროკურისტია, არცერთ დეკლარაციაში არ  შეუტანია.

მოხელის სამაგიდო ლექსიკონის მიხედვით:
პროკურისტი არის პირი, რომელსაც გენერალური სავაჭრო მინდობილობა (პროკურა) აქვს, ასევე, არის სავაჭრო საწარმოს რწმუნებული, რომელსაც დიდი უფლებამოსილება აქვს გარიგების დადების დროს. 

2008 წლის 5 მაისს რეგისტრირებულ შპს “კაპიტალინვესტ ჯგუფში” გიორგი გოგაძე ჯერ წარმომადგენლის პოსტს იკავებდა, 2010 წლის 6 ივლისს განხორციელებული ცვლილების შემდეგ კი, საჯარო ამონაწერის მიხედვით, მას კომპანიაში პროკურისტის პოსტი უკავია.

kapital_invest
ჩვენ გენერალურ პროკურატურას წერილობით მივმართეთ და ვკითხეთ, რატომ არ არის აღნიშნული ფაქტი გიორგი გოგაძის დეკლარაციაში ასახული. პასუხი ჯერჯერობით არ მიგვიღია.
ამავე შეკითხვით ჩვენ საჯარო სამსახურის ბიუროსაც მივმართეთ და ვკითხეთ, კერძო კომპანიაში დაკავებული ამ თანამდებობით, ირღვევა თუ არა კანონი?
 
 ლევან ყოლბაიამ, საჯარო სამსახურის ბიუროს ადმინისტრაციული სამსახურის მთავარმა სპეციალისტმა განგვიმარტა, რომ კანონი საჯარო სამსახურში ინტერესთა შეუთავსებლობის შესახებ უკრძალავს თანამდებობის პირს და საჯარო სამსახურში დასაქმებულ პირს სამეწარმეო სუბიექტში თანამდებობის დაკავებას და ანაზღაურების მიღებას და რომ ეს არის შეუთავსებადი საქმიანობა. ამავდროულად, “ყველა საჯრო პირი ვალდებულია მისი შემოსავალი და ქონებრივი მდგომარეობა შეიტანოს ქონებრივ დეკლარაციაში, მათ შორის ამ შემთხვევაში პროკურორის მოადგილე.”
  შემოსავლების სამსახურის გადამხდელთა რეესტრის მონაცემებით, ვადაგასული დავალიანების გამო შპს “კაპიტალინვესტ ჯგუფის” ქონება დაყადაღებულია.
ეს კომპანია არც მთავარი პროკურორის მოადგილის ბიოგრაფიაშია მითითებული.

საჯარო სამსახურის ბიურო წელს მხოლოდ ერთი მინისტრის დეკლარაციას სწავლობს

2017 წლის პირველი იანვრიდან საჯარო სამსახურის ბიუროს თანამდებობის პირთა დეკლარაციების შეგროვებისა და გამოქვეყნების ნაცვლად დეკლარაციების მონიტორინგიც ევალება. საამისოდ ბიუროში სპეციალური სამსახურიც შეიქმნა.

კანონის მიხედვით, ბიურო ყოველწლიურად დეკლარაციების საერთო რაოდენობის 5%-ს ამოწმებს. შესამოწმებელი დეკლარაციები კომპიუტერულმა ალგორითმა უნდა შეარჩიოს.

საჯარო სამსახურის ბიუროდან გამოვითხოვეთ საჯარო ინფორმაცია: წელს რომელი თანამდებობის პირების დეკლარაციები შემოწმდება.

პასუხად მივიღეთ 268 თანამდებობის პირის სია:

ჩვენ ამ სიის გაანალიზებისას შევნიშნეთ, რომ დეკლარაციების ბიურო მინისტრთა კაბინეტიდან მხოლოდ ერთი მინისტრის, ლევან იზორიას დეკლარაციას შეამოწმებს. ამ სიაში სხვა მინისტრი მოხვედრილი არ არის.

ლევან იზორია -- თავდაცვის მინისტრი

განახლებული კანონის მიხედვით, მონიტორინგის სამსახურის გარდა, რომელიც დეკლარაციების 5%-ს სწავლობს, კიდევ 5% ბიუროს უფროსის მიერ არასამთავრობო ორგანიზაციების და სამეცნიერო წრის წარმომადგენლებისგან შექმნილ დამოუკიდებელ კომისიას უნდა შეესწავლა. მათ მიერ შესასწავლ სიაში შევიდოდა: „საჯარო სამსახურის შესახებ“ საქართველოს კანონით განსაზღვრული სახელმწიფო-პოლიტიკური თანამდებობის პირებისა და განსაკუთრებული ფაქტორების გათვალისწინებით შერჩეული დეკლარაციები. განსაკუთრებული ფაქტორებია:

  • განსაკუთრებული კორუფციული რისკი
  • მაღალი საზოგადოებრივი ინტერესი
  • განხორციელებული მონიტორინგით გამოვლენილი დარღვევები.

საქართველოს ახალგაზრდა იურისტთა ასოციაციის იურისტი ნინო ცუხიშვილი აცხადებს, რომ წელს შემოწმების პროცესში  ეს კომისია საერთოს არ მონაწილეობს ვინაიდან ის დროულად არ შეიქმნა. იურისტის აზრით, წელს ეს ფაქტი დეკლარაციების მონიტორინგის პროცესში მთავარი ხარვეზია.

შესაბამისად, დეკლარაციების 10%-ს ნაცვლად წელს მხოლოდ 5% შემოწმდება. როგორც ცუხიშვილი განმარტავს, შეფერხება იმან გამოიწვია, რომ მთავრობამ დაგვიანებით დაამტკიცა დადგენილება რომელიც კომისიის შექმნის წესებს განმარტავდა.

საჯარო სამსახურის ბიუროდან მიღებული ინფორმაციის თანახმად, გეგმიური შემოწმების გარდა,  სამმა მოქალაქემ მათ წერილობით დამატებით კიდევ სამი თანამდებობის პირის დეკლარაციის შესწავლოს მოთხოვნით მიმართა. ეს თანამდებობის პირები არიან :

1. ზვიად კვაჭანტირაძე —  საქართველოს პარლამენტის წევრი
2. თამაზ ნავერიანი  — საქართველოს პარლამენტის წევრი
3. სამსონ თამარიანი — წალკის მუნიციპალიტეტის საკრებულოს კომისიის თავჯდომარე

ჩვენ ჯერ არ ვიცით, რა შინაარსის განცხადებებით მიმართეს ამ პირებმა საჯარო სამსახურის ბიუროს, რომელი თანამდებობის პირების დეკლარაციების შემოწმება მოითხოვეს.

რამდენიმე კითხვაზე საჯარო სამსახურის ბიუროს მონიტორინგის სამსახურის ხელმძღვანელმა ელგუჯა მაკალათიამ გვიპასუხა:

-რა მეთოდით მოწმდება საჯარო პირების დეკლარაციები?

-მონიტორინგი სამი მეთოდით ხდება. პირველი: (დეკლარანტებს) უშუალოდ ელექტრონული პროგრამა არჩევს, მეორე: არის სპეციალურად შექმნილი კომისია რომელიც არჩევს (დეკლარანტებს) და  მესამე: (შერჩევა ხდება) კერძო განცხადებების, მოქალაქეების განცხადებების საფუძველზე. წელს მთავრობის დადგენილებით არის ისე, რომ მოწმდება მარტო ელექტრონული პროგრამით შერჩეული დეკლარაციები და ასევე ის დეკლარაციები რომლის შემოწმებასაც მოითხოვენ მოქალაქეები.

-რატომ არ მოხერხდა წლევანდელი მონიტორინგის პროცესში კომისიის ჩართვა?

-კომისია წელს ვერ შეიქმნა იმიტომ რომ დადგენილების საფუძველზე კომისია იქმნება დეკემბრის თვეში და დადგენილება უკვე იანვრიდან მივიღეთ იმიტომ, რომ კანონი ძალაში შევიდა 2017 წლის პირველი იანვრიდან და შესაბამისად კომისია ვერ შეიქმნებოდა.

-რას მოიცავს ეს ინფორმაცია რომელიც საჯარო სამსახურის ბიურომ მოგვაწოდა?

-აქ წარმოდგენილია არის ის დეკლარაციები, რომლებიც ელექტრონულმა პროგრამამ შეარჩია და დამატებით სამი დეკლარაცია, რომლებიც მოქალაქეების  მოთხოვნის საფუძველზე მოხდა.

-როგორ შეუძლია მოსახლეობას მოითხოვოს დეკლარაციის შემოწმება?

-ნებისმიერ პირს, ან  არასამთავრობოს, შეუძლია მიმართოს საჯარო სამსახურის ბიუროს, დასაბუთებული მოთხოვნით, რომ კონკრეტული თანამდებობის პირის დეკლარაცია შემოწმდეს. თუ ამ თანამდებობის პირის დეკლარაცია ისედაც მოწმდება, პროგრამამ ან კომისიამ შეარჩია, მაშინ არაფერი იქნება. თუ არ ვამოწმებთ და რეალურად შესამოწმებელი დეკლარანტების ნუსხაში არ არის შეყვანილი, ჯერ ვამოწმებთ განცხადების დასაბუთებულობას და შემდეგ დეკლარაციას.

-როდიდან შეამოწმებს კომისია დეკლარაციებს?

-წელს 15 დეკემბრამდე შეიქმნება კომისია, რომელიც დეკლარაციებს 2018 წელს შეამოწმებს.

-რა კრიტერიუმით არჩევს ელექტრონული პროგრამა შესამოწმებელ დეკლარაციებს?

-ელექტრონულად, ალგორითმის საშუალებით ხდება შერჩევა. წელს, როგორც კი დავასრულებთ დეკლარაციების შემოწმებას, პროცენტულობას თავიდან დავიანგარიშებთ, ახალ ალგორითმს ისე გავწერთ, რომ ბალანსი დაცული იყოს. დღესაც მაქსიმალური გათანაბრებით არის შერჩეული. სამინისტროებიდან — მინისტრიც არის, მოადგილეებიც არიან, პარლამენტარებიც არიან, თვითმმართველობიდანაც არიან, აიპ-ებიც, სსიპ-ებიც, სასამართლოების წარმომადგენლებიც, მოსამართლეებიც. არცერთი ორგანო არ არის გამორჩენილი. თუმცა, რიცხოვნობა განსხვავებულია თითოეულ უწყებაში და, შესაბამისად, პროცენტულობაც, მაგრამ პროპორციულობა მაქსიმალურად დაცულია.

დიმიტრი ქუმსიშვილმა ბიზნესის წილი სამართავად მეუღლეს გადასცა


პირველმა ვიცე პრემიერმა და ეკონომიკის მინისტრმა დიმიტრი ქუმსიშვილმა შპს “რეშენალ სოლუშენსის” 10%-იანი წილი სამართავად საკუთარ მეუღლეს, ნატალია თევდორაშვილს გადასცა. ხელშეკრულება 6 ივნისს ნოტარიუს ეკატერინე ძულიაშვილთან გაფორმდა. კომპანიის დანარჩენ 90%-ს “შპს კვირის პალიტრა” ფლობს. “რეშენალ სოლუშენსი” ფასდაკლებების ვებგვერდის, hotsale.ge-ს მფლობელი კომპანიაა. ქუმსიშვილი თავდაპირველად “რეშენალ სოლუშენსის” სამეთვალყურეო საბჭოს თავმჯდომარე იყო, მოგვიანებით კი 10%-იანი წილის მფლობელი გახდა. მის მიერ შევსებული ბოლო ქონებრივი მდგომარეობის დეკლარაციის მიხედვით, 2015 წელს მინისტრის შემოსავალი ამ კომპანიიდან 39900 ლარი იყო. მაისში, “პოსტსკრიპტუმში” გასულ რეპორტაჟში დიმიტრი ქუმსიშვილის წარმომადგენელმა, ირაკლი ალხაზაშვილმა დაადასტურა, რომ კონსტიტუციის მიხედვით, დიმიტრი ქუმსიშვილს, როგორც მთავრობის წევრს, “რეშენალ სოლუშენსის” წილის ფლობის გამო თანამდებობრივი შეუთავსებლობა ჰქონდა. იურისტის განმარტებით, წილის გასხვისების, ან მართვაში გადაცემის უფლებას მინისტრს ყოფილი პარტნიორები არ აძლევდნენ.

თბილისის საქალაქო სასამართლოს თავმჯდომარეობის კანდიდატის მეუღლე პროკურატურაში მუშაობს

იუსტიციის უმაღლესი საბჭოს სხდომაზე  თბილისის საქალაქო სასამართლოს თავმჯდომარის თანამდებობაზე საბჭოს მდივანმა, ლევან მურუსიძემ, კანდიდატად მოქმედი მოსამართლე, გიორგი მიქაუტაძე დაასახელა.
გიორგი მიქაუტაძე
გიორგი მიქაუტაძე 2015 წლის დეკემბრიდან თბილისის საქალაქო სასამართლოს ადმინისტრაციულ საქმეთა კოლეგიის თავმჯდომარეა. მისი ქონებრივი დეკლარაციისა და საქართველოს პთავარი პროკურატურის ვებგვერდის მიხედვით, გიორგი მიქაუტაძის მეუღლე, მაია კვირიკაშვილი, საქართველოს მთავარი პროკურატურის ადამიანის უფლებათა დაცვის სამმართველოს უფროსია. გიორგი მიქაუტაძის საკითხზე  კენჭისყრას იუსტიციის უმაღლესი საბჭო  პარასკევს, 04/03/2016 სხდომაზე გეგმავს.