შალვა თადუმაძის ინტერესთა კონფლიქტის რისკი

შალვა თადუმაძე – საქართველოს მთავარი პროკურორი

მთავარი პროკურორის შალვა თადუმაძისა და მისი მეუღლის, მზევინარ ანსიანის სახელზე სამეწარმეო რეესტრში რამდენიმე ორგანიზაციაა რეგისტრირებული.

მათ შორის ორს წესდებაში უწერია, რომ მათი საქმიანობის ერთ-ერთი საგანი საადვოკატო საქმიანობაა.

 

კს შალვა თადუმაძე და ბი-ელ-ფი კონსალტინგი

საქმიანობის საგანი:

1. საადვოკატო საქმიანობა

2. იურიდიული მომსახურება

3. ტრენირება სამართლებრივ საკითხებში

4. ფსიქოლოგიური ტრენირება

5. ფსიქოლოგიური მომსახურება

 

კს მზევინარ ანსიანის ლოია კლაბი

საქმიანობის საგანი:

1. საადვოკატო საქმიანობა

2.საკონსულტაციო საქმიანობა

შალვა თადუმაძის მეუღლე
მზევინარ ანსიანი -შალვა თადუმაძის მეუღლე

 

 

გარდა ამისა, მზევინარ ანსიანი ამ ორი ორგანიზაციისგან დამოუკიდებლადაც არის სისხლის სამართლის საქმეებზე ადვოკატი. მაგალითად, ბიზნესმენმა რამაზ ახვლედიანმა, 22 ივლისს დაგვიდასტურა, რომ მზევინარ ანსიანი “ლისის ტბის საქმეზე” მისი  სისხლის სამართლის ადვოკატი იყო, თუმცა რამაზ ახვლედიანის თქმით მან მოსალოდნელი უხერხულობების თავიდან ასაცილებლად მზევინარ ანსიანთა კონტრაქტის გაუქმება გადაწყვიტა. 

 

ვინაიდან ყველა სისხლის სამართლის საქმე კავშირშია პროკურატურასთან, ჩნდება კითხვა:

წარმოექმნება თუ არა მთავარ პროკურორს ინტერესთა კონფლიქტი თუ მისი მეუღლე კვლავ იქნება სისხლის სამართლის საქმეთა ადვოკატი და,  თუ, ზემოთხსენებული ორი ბიუროს ადვოკატები  იმუშავებენ სისხლის სამართლის საქმეებზე.

ჩვენ  შალვა თადუმაძესთან და მის მეუღლესთან გასაუბრების ორკვირიანი მცდელობების შემდეგ მივიღეთ წერილობითი განმარტება:

“კანონმდებლობის თანახმად, სისხლის სამართლის საქმის წარმოებაში ინტერესთა კონფლიქტის არსებობის შემთხვევაში, მხარეებს უფლება აქვთ მოითხოვონ აცილება ან მოახდინონ თვითაცილება. საქართველოს მთავარი პროკურის შალვა თადუმაძის მეუღლემ მზეო ანსიანმა წარმოებაში არსებულ ყველა სისხლის სამართლის საქმეზე მოახდინა თვითაცილება, რაც საქმეებში არსებული დოკუმენტაციებით დასტურდება. ასევე გაცნობებთ, რომ მთავარი პროკურორის მეუღლესთან დაკავშირებულ საადვოკატო კომპანიებში დაწყებულია შესაბამისი პროცედურები სისხლის სამართლის საადვოკატო საქმიანობის შეჩერების თაობაზე. შესაბამისი დოკუმენტაცია პროცედურების დასრულების შემდეგ გამოქვეყნდება.”

უახლოეს მომავალში ჩვენ გადავამოწმებთ აიცილა თუ არა მთავარი პროკურორის მეუღლემ ყველა სისხლის სამართლის საქმე და ასევე შეაჩერა თუ არა სისხლის სამართლის საადვოკატო საქმიანობა შალვა თადუმაძის ოჯახთან დაკავშირებულმა საადვოკატო ბიუროებმა. შესაბამისი დოკუმენტები ჯერ არ გამოქვეყნებულა.

 

ახალი მინისტრის ოჯახის ბიზნესი

მაია ცქიტიშვილი
მაია ცქიტიშვილი

ინფრასტრუქტურის მინისტრად დანიშვნამდე ერთი დღით ადრე, 2018 წლის 29 მარტს მთავრობის კანცელარიის უფროსმა მაია ცქიტიშვილმა საკუთარი 75%-იანი წილი,  კომპანიაში შპს თბილისის კომერციული ქონება საკუთარ მეუღლეს, დავით ხატიაშვილს აჩუქა.

წესდების მიხედვით, კომპანიის სახელწოდება ინგლისურად არის:Tbilisi Commercial Property. 

კომპანიის შექმნისას ძირითად მიზნად დასახელებული იყო: “მოგების მიღება, როგორც საქართველოში, ისე მის ფარგლებს გარეთ.

წილის ჩუქების ხელშეკრულება
წილის ჩუქების ხელშეკრულება

tskitishvili_partners

შპს “თბილისის კომერციული ქონების” თავდაპირველი დამფუძნებელი იყო შპს “მიკროკლიმატი”.

შპს “მიკროკლიმატმა” თავისი სასეხო დავალიანება 640724.5 ლარი ახლადდაფუძნებულ კომპანიას გადასცა.

გირავნობა/ლიზინგის რეესტრში დავალიანების შესახებ წერია:

გადაწყვეტილება # R14018559/3 ( 19 ივნ 2014 19:32:47 )

რეგისტრაციის შესახებ

სარეგისტრაციო სამსახურს წარედგინა განცხადება (No.R14018559; 19 ივნ 2014 19:22:18;)
განმცხადებელი: შპს თბილისის კომერციული ქონება /405047471 /
განცხადებით მოთხოვნილია: რეგისტრირებულ გირავნობის უფლებაში ცვლილების რეგისტრაცია.

‘საჯარო რეესტრის შესახებ’ საქართველოს კანონის შესაბამისად დარეგისტრირდეს უფლება.

გირავნობა ( R14018559 ) 19 ივნ 2014 19:22:18
უფლების რეგისტრაციის თარიღი: 19 ივნ 2014 19:24:01
უფლების რეგისტრაციის ვადა: უვადო

სუბიექტი
კრედიტორი : სს საქართველოს ბანკი (საქართველო) 204378869
მესაკუთრე : შპს მიკროკლიმატი (საქართველო) 401945277
მესაკუთრე : ცქიტიშვილი მაია (საქართველო) 01007001462
მესაკუთრე : კანდელაკი ირაკლი (საქართველო) 01020005025

გირავნობა
არამატერიალური ქონებრივი სიკეთე :
შპს „მიკროკლიმატის“ (ს/ნ 401945277) არსებული და სამომავლო მთელი არამატერიალური ქონებრივი სიკეთე
არამატერიალური ქონებრივი სიკეთე :
შპს თბილისის კომერციული ქონებაში (ს.ნ 405047471) მაია ცქიტიშვილის (პ.ნ 01007001462) 75% წილი და ირაკლი კანდელაკის-25% წილი.
არაიდენტიფიცირებადი მოძრავი ნივთი :
შპს „მიკროკლიმატის“ (ს/ნ 401945277) არსებული და სამომავლო მთელი მოძრავი ქონება

 

დავით ხატიაშვილი “შპს თბილისის კომერციული ქონების”   გარდა კიდევ რამდენიმე კომპანიის მეწილე, დამფუძნებელი და დირექტორია:

საიდენტიფიკაციო კოდი სახელწოდება  მონაწილე მონაწილეობის ტიპი
405249789 შპს სავაჭრო ცენტრი დავით ხატიაშვილი დირექტორი
205000960 “თბილისის სტრატეგიული განვითარების ცენტრი” დავით ხატიაშვილი დამფუძნებელი
205059336 შპს ბიკონსალტინგი დავით ხატიაშვილი მეწილე
401945277 შპს მიკროკლიმატი დავით ხატიაშვილი მეწილე
404978814 შპს ბილდინგ სოლუშენს დავით ხატიაშვილი მეწილე
405048158 სს ჯორჯიათრეიდი დავით ხატიაშვილი დირექტორი

 წილის ჩუქების შემდეგ შეიცვალა “შპს თბილისის კომერციული ქონების” ელექტრონული ფოსტის მისამართიც და ახლა არის: david@georgiatradegroup.ge
დომეინის “georgiatradegroup”  მფლობელია: სააქციო საზოგადოება ჯორჯიათრეიდი

“ტენდერების მონიტორის” მიხედვით, “სს ჯორჯიათრეიდის” მიერ მოგებული 42  სატენდერო კონტრაქტის საერთო ღირებულებაა 708960 ლარი, ხოლო 23 გამარტივებული შესყიდვის
ხელშეკრულებების საერთო ღირებულებაა : 30930.30 ლარი

 

"სს ჯორჯიათრეიდის" ტენდერები
“სს ჯორჯიათრეიდის” ტენდერები

 

ამ შესყიდვებში გამოყენებული კლასიფიკატორებია:

  • მილები და მილსადენების არმატურა
  • ღობეების, მოაჯირებისა და დამცავი მოწყობილობების მონტაჟი
  • სამშენებლო მასალები
  • სამშენბლო მასალები და დამხმარე სამშენებლო მასალები
  • მილსადენები/მილსადენი სისტემები/მილსადენების ქსელი, გარსაცმები, შლანგები და მათტან დაკავშირებული მასალები.
  • სამშენებლო
  • ლითონის კონსტრუქციების აწყობა
  • რკინა, ტყვია, თუთა, კალა და სპილენძი
  • სხვადასხვაგვარი სამშენებლო მასალა
  • ფანჯრები, კარები და მათტან დაკავშირებული საგნები
  • ძირითადი ლითონები

შემსყიდველები იყვნენ:

  • სახელმწიფო სამშენებლო კომპანია
  • შოთა მესხიას ზუგდიდის სახელმწიფო სასწავლო უნივერსიტეტი
  • საზოგადოებრივი კოლეჯი “იბერია”
  • შპს “სინათლის ქალაქი”
  • აჭარის ა.რ. მთავრობის საქვეუწყებო დაწესებულება საავტომობილო გზებისა და სამელიორაციო სისტემების მართვის დეპარტამენტი
  • სს “საქართველოს სახელმწიფო ელექტროსისტემა”
  • თვითმმართელი ერთეული ხარაგაულის მუნიციპალიტეტი
  • სააქციო საზოგადოება კახეთის ენერგოდისტრიბუცია
  • თბილსერვის ჯგუფი

აქვს თუ არა საბჭოს მდივანს იტერესთა კონფლიქტი?

გიორგი მიქაუტაძე
გიორგი მიქაუტაძე
მაია კვირიკაშვილი

როგორც ცნობილია, საქართველოს იუსტიციის უმაღლესი საბჭოს მდივნის, გიორგი მიქაუტიძის მეუღლე, მაია კვირიკაშვილი, მოსამართლეთა შესარჩევი კონკურსის მეორე ეტაპზე გადავიდა.

ახალგაზრდა იურისტთა ასოციააცის იურისტმა ეკა ციმაკურიძემ განმარტა, რომ საბჭოს მდივანს აშკარა ინტერესთა კონფლი აქვს. მისი აზრით,  რადგან ერთ-ერთი კანდიდატი მისი მეუღლეა, აუცილებელია გიორგი მიქაუტაძის ამ პროცესისგან აცილება.

ეკა ციმაკურიძის თქმით, მოსამართლეთა შერჩევის პროცესი დახურულია, ამიტომ მაია კვირიკაშვილის მოსამართლედ დანიშვნის შემთხვევაში, კანდიდატთა სამართლიანობის პრინციპით შერჩევის საკითხი კითხვის ნიშნის ქვეშ დგება.

ჩვენ ვარკვევთ, აქცს თუ არა გიორგი მიქაუტაძეს მისი მეუღლის  კანდიდატობასთან მიმართებაში ინტერესთა კონფლიქტი.

იუსტიციის იუმაღლეს საბჭოს წერილობით მივმართეთ და ვკითხეთ:

  • რა უფლება-მოვალეობები აკისრია მდივანს კანდიდატთა შერჩევის პროცესში?
  • საბჭოს მდივანმა და მისმა მეუღლემ განაცხადეს თუ არა ინტერესთა კონფლიქტის არსებობის შესახებ?

კანონის მიხედვით, მოსამართლეთა შესარჩევად საბჭოში სპეციალური სამდივნო იქმნება.  ამიტომ ჩვენ საბჭოს ასევე ვკითხეთ,  გიორგი მიქაუტაძერის თუ არა ამ სამდივნოს წევრი?   საბჭოდან მიღებულ დოკუმენტში ამ კითხვაზე პასუხი გაცემული არ არის:

Screen Shot 2017-12-06 at 18.06.57

 

 

 

 

 

 

 

 

 

 

 

 

 

ჩვენ განვაგრძობთ ამ საკითხის კვლევას და დამატებით ინფორმაციას, იკვეთება თუ არა გიორგი მიქაუტაძის ინტერესთა კონფლიქტი მისი მეუღლის მოსამართლედ შერჩევის პროცესში, ეტაპობრივად გაგაცნობთ.

მოსამართლეთა შერჩევის მეორე ეტაპი – კანდიდატებთან გასაუბრება სამი დეკემბრიდან დაიწყო. თუმცა, როდის შედგება მაია კვირიკაშვილთან გასაუბრება ჯერ უცნობია.

იუსტიციის უმაღლესი საბჭოს მდივნის მეუღლე მოსამართლეობის კანდიდატია

ოქტომბრის თვეში გამოცხადებული მოსამართლეთა შესარჩევი კონკურსის მე-2 ეტაპზე გადასულ მოსამართლეობის კანდიდატთა სიაში მაია კვირიკაშვილი, საქართველოს იუსტიციის უმაღლესი საბჭოს მდივნის, გიორგი მიქაიუტიძის მეუღლეც მოხვდა.

წყარო: www.info9.ge
ფოტო: www.info9.ge
იუსტიციის უმაღლესი საბჭოს ვებ-გვერდზე განთავსებული ბიოგრაფიის მიხედვით, მაია კვირიკაშვილი 1983 წლის 30 სექტემბერს თბილისში დაიბადა. დაამთავრა ივ. ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი და 2007 წლიდან დღემდე  ამავე უნივერსიტეტის დოქტორანტია. 2008-09 წლებში  თბილისის ისანი-სამგორის რაიონული პროკურატურის პროკურორი იყო. 2009-2016 წლებში კი საქართველოს მთავარ პროკურატურაში მუშაობდა. თავდაპირველად ადამიანის უფლებათა დაცვის სამმართველოს პროკურორის, ხოლო შემდეგ ადამიანის უფლებათა დაცვის სამმართველოს უფროსის თანამდებობაზე. 2016-2017 წლებში სსიპ იუსტიციის უმაღლესი სკოლის მსმენელი იყო.

დეპუტატმა კახაბერ კუჭავამ სს”ჯორჯიან კოპერ ენდ გოლდის” თანამდებობები დატოვა

 

კახაბერ კუჭავა - პარლამენტის წევრი
კახაბერ კუჭავა – პარლამენტის წევრი

პარლამენტის წევრმა კახაბერ კუჭავამ 2016 წლის 17 ნოემბერს საჯარო რეესტრის სააგენტოს განცხადებით მიმართა. კუჭავამ მოითხოვა სამეწარმეო რეესტრში დაფიქსირებულიყო, რომ ის აღარ არის სს “ჯორჯიან კოპერ ენდ გოლდი”-ს სამეთვალყურეო საბჭოს წევრი და გენერალური დირექტორი. დეპუტატის განამრტებით, ამ თანამდებობებიდან პარლამენტის წევრად არჩევის შემდეგ, თანამდებობრივი შეუთავსებლობის თავიდან აცილების მიზნით, გადადგა.

კახაბერ კუჭავას განცხადება
კახაბერ კუჭავას განცხადება

პასუხად რეესტრის დოკუმენტში წერია: ‘საჯარო რეესტრის შესახებ’ საქართველოს კანონის შესაბამისად, მიღებულ იქნა გადაწყვეტილება მოთხოვნის დაკმაყოფილების თაობაზე.

ორი ვალერი გელაშვილის ხელშეკრულება

საქართველოს პარლამენტიდან გამოვითხოვეთ ინფორმაცია, სად ქირაობდნენ ბინას საქართველოს პარლმენტის მე-8 მოწვევის დეპუტატები. დოკუმენტის მიხედვით, თითოეული დეპუტატისთვის ბინის დასაქირავებლად სახელმწიფო თვეში 667 ლარს იხდიდა.

პარლამენტიდან მიღებულ ინფორმაციას  ვადარებთ დეპუტატების ქონებრივ დეკლარაციებს და სამეწარმეო და ქონების რეესტრის მონაცემებს. საყურადღებო მაგალითებს ეტაპობრივად გამოვაქვეყნებთ.

საინტერესოდ მოგვეჩვენა ის ფაქტი, რომ ხაშურის მაჟორიტარ დეპუტატი ვალერი გელაშვილი ქუთაისში ბინას “შპს ევრა კონსტრუქცია”-დან 2012 წლის 21 ოქტომბრიდან, 2013 წლის პირველ სექტემბრამდე და 2014 წლის პირველი იანვრიდან 2015 წლის პირველ იანვრამდე ქირაობდა.

საჯარო რეესტრის ეროვნული სააგენტოს მონაცემების მიხედვით, 2012 წელს სახელწოდებით “შპს ევრა კონსტრუქცია” ერთადერთი კომპანია იყო დარეგისტრირებული და მისი დირექოტორი დეპუტატ ვალერი გელაშვილის შვილი ვალერი გელაშვილი იყო.

საჯარო სამსახურში ინტერესთა შეუთავსებლობისა და კორუფციის შესახებ კანონის მე-10 მუხლის მიხედვით,
“თანამდებობის პირს უფლება არა აქვს თავის ახლო ნათესავთან, ან მის წარმომადგენელთან, დადოს ქონებრივი გარიგება, როგორც საჯარო მოხელემ.” კანონის მიხედვით, ამ  მოთხოვნის დარღვევით დადებული გარიგება ბათილია. ვალერი გლაშვილი თვლის, რომ მას კანონი არ დაურღვევია ვინაიდან, მოქმედი კანონმდებლობით, ფიზიკური პირი იურიდიული პირის კუთვნილ ფართში უფასოდ ვერ იცხოვრებს:

 

საქართველოს პარლამენტის აპარატის ხელმძღვანელმა, ზურაბ მარაქველიძემ, კითხვაზე: იკვეთება თუ არა ინტერესთა კონფლიქტი ვალერი გელაშვილის მიერ ბინის დაქირავების საკითხში, გვიპასუხა, რომ სამართლებრივად ამ საკითხს ვერ შეაფასებს:

 

პარლამენტის საფინანსო-საბიუჯეტო კომიტეტის თავმჯდომარის პირველი მოადგილის, ნოდარ ებანოიძის განმარტებით, კერძო კომპანიის ქონებით ფიზიკური პირი უფასოდ ვერ ისარგებლებდა:

 

კითხვაზე, თავად იქირავებდა თუ არა, როგორც დეპუტატი, ბინას კომპანიისგან, რომლის დირექტორიც საკუთარი შვილი იქნებოდა, გვიპასუხა: “ეგეთი კითხვები რომ არ გაჩნდეს…ალბათ არ ვიქირავებდი”

 

თბილისის საქალაქო სასამართლოს თავმჯდომარეობის კანდიდატის მეუღლე პროკურატურაში მუშაობს

იუსტიციის უმაღლესი საბჭოს სხდომაზე  თბილისის საქალაქო სასამართლოს თავმჯდომარის თანამდებობაზე საბჭოს მდივანმა, ლევან მურუსიძემ, კანდიდატად მოქმედი მოსამართლე, გიორგი მიქაუტაძე დაასახელა.
გიორგი მიქაუტაძე
გიორგი მიქაუტაძე 2015 წლის დეკემბრიდან თბილისის საქალაქო სასამართლოს ადმინისტრაციულ საქმეთა კოლეგიის თავმჯდომარეა. მისი ქონებრივი დეკლარაციისა და საქართველოს პთავარი პროკურატურის ვებგვერდის მიხედვით, გიორგი მიქაუტაძის მეუღლე, მაია კვირიკაშვილი, საქართველოს მთავარი პროკურატურის ადამიანის უფლებათა დაცვის სამმართველოს უფროსია. გიორგი მიქაუტაძის საკითხზე  კენჭისყრას იუსტიციის უმაღლესი საბჭო  პარასკევს, 04/03/2016 სხდომაზე გეგმავს.