იუსტიციის უმაღლესი საბჭოს 4 წელი ერთ ანგარიშში

იუსტიციის უმაღლესი საბჭოს ვებგვერდზე წლიური ანგარიშების განყოფილებაში მხოლოდ საბჭოს 2013 წლის ანგარიშია ატვირთული.

ჩვენ საბჭოს 13 დეკემბერს მივმართეთ კითხვით, რატომ არ არის ატვირთული შემდგომი წლების წლიური ანგარიშები? საბჭოდან ჯერჯერობით პასუხი არ მიგვიღია.

20 დეკემბერს საბჭოს ყოფილმა წევრებმა განვლილი ოთხლიანი მუშაობის ანგარიშის პრეზენტაცია უზენაესი სასამართლოს შენობაში გამართეს.

პრეზენტაციაზე მედიასაშუალებები არ მიუწვევიათ.

პრეზენტაციას ესწრებოდნენ იუსტიციის უმაღლესი საბჭოს წევრები, საქართველოს უზენაესი სასამართლოს მოსამართლეები, სახელმწიფო უწყებების, საერთაშორისო, დონორი და არასამთავრობო ორგანიზაციების წარმომადგენლები.
უზენაესი სასამართლოს ვებგვერდზე ანგარიში ორ ენაზეა ატვირთული ქართულად და ინგლისურად.

აღსანიშნავია, რომ ანგარიშში ტესტების გახმაურებული სკანდალი საერთოდ არ არის ნახსენები.

 

უზენაეს სასამართლოში იუსტიციის უმაღლესი საბჭოს საქმიანობის ანგარიშის (2013 წლის ივნისიდან 2017 წლის მაისის ჩათვლით) პრეზენტაცია გაიმართა
უზენაეს სასამართლოში იუსტიციის უმაღლესი საბჭოს საქმიანობის ანგარიშის (2013 წლის ივნისიდან 2017 წლის მაისის ჩათვლით) პრეზენტაცია გაიმართა

 

 

 

მერიამ საახალწლო ღონისძიებებთან დაკავშირებული ხელშეკრულებები გამოაქვეყნა

შპს “ღამის შოუ სტუდიასთან” თბილისის მერიამ ორი ხელშეკრულება გააფორმა. რუსთაველზე ერთი, დედაენის ბაღში კი 21  საახალწლო ჯიხურის დადგმის სანაცვლოდ კომპანია 127 600 ლარს მიიღებს.  დეკორაციების მანათებელი ფიგურების შესყიდვა კი მერიას 30 449.80 ლარი დაუჯდა.

საახალწლო მილოცვის ვიდეო რგოლი “თბილისის მერია გილოცავთ ახალ წელს”  შპს “ბეთერ ფლაიმ” დაამზადა. ხელშეკრულების საერთო ღირებულებამ  115 186.80 ლარი შეადგინა.
საახალწლო გალა კონცერტების ლოკაციებისა და ტრანსპორის გადაადგილების შესახებ საინფორმაციო ვიდეო რგოლის, – “გამოდი, გამოდი ახალი წელიას” გადაღება თბილისის მერიამ  შპს  “სტუდია 1,2,3”-ს დაავალა და სანაცვლოდ  57731.50  გადაიხადა.
8000 ლარის ღირებულების ელექტრო გამათბლობლების შეძენა თბილისის მერიამ შპს “allmarket.ge”-ს დაავალა. 650 ბეიჯი კი შპს “ინტერპრინტ ჯორჯიამ” 1144 ლარად დაამზადა.
მიმწოდებელი ხელშეკრულებით გათვალისწინებული თანხა ხელშეკრულების საგანი
1 შპს ღამის შოუ სტუდია 127 600  საახალწლო ჯიხურების მონტაჟი-დემონტაჟი-დასაწყოება
2 შპს ღამის შოუ სტუდია 33999.6 დეკორაციების მანათებელი ფიგურების შესყიდვა
3 შპს ბეთერ ფლაი 115 186.80 საახალწლო მილოცვის ვიდეო რგოლის დადაღება – “თბილისის მერია გილოცავთ ახალ წელს”
4 შპს სტუდია 1,2,3  57 731.50 გალა კონცერტების ლოკაციებისა და ტრანსპორტის გადაადგილებსი შესახებ საინფორმაციო ვიდეო რგოლის გადაღება –  “გამოდი, გამოდი, ახალი წელია”
5 შპს allmarket.ge 8000 ელექტრო გამათბობლების შესყიდვა ტექნიკური უზრუნველყოფის მიზნით
6 შპს ინტერპრინტ ჯორჯია 1144 650 ბეიჯის შესყიდვა

ცელოფანგაკრული სასწრაფო

სასწრაფო სამედიცინო დახმარების ავტომობილი უკანა საქარე მინის ნაცვლად გაკრული ცელოფნით ჩვენ 14 დეკემბერს საღამოს თბილისში ჭავჭავაძის გამზირზე გადავიღეთ. დავუკავშირდით “სსიპ სამედიცინო დახმარების ცენტრს”, რომელიც თბილისის მერიას ეკუთვნის, და ვკითხეთ, რა გარემოებაში და როდის დაზიანდა აღნიშნული სასწრაფო დახმარების მანქანა და რატომ არის ექსპლუატაციაში ავტომობილი ასეთ მდგომარეობაში. დაპირების მიუხედავად, “სსიპ სამედიცინო დახმარების ცენტრმა” არ გვიპასუხა.

საახალწლო ღონისძიებების ორგანიზატორები უტენდეროდ შეირჩა

თბილისის მერიამ შობა-ახალი წლის სადღესასწაულო ღონისძიებების ორგანიზებისთვის ჯამში 1 499 000 ლარი გამოყო. წინა წლების მსგავსად, ორგანიზატორებთან ხელშეკრულებები გამარტივებული შესყიდვის გზით გაფორმდა.

 

Screen Shot 2017-12-20 at 01.18.06

 

რუსთაველის 8-ში, პარლამენტის წინ, საციგურაო მოედნის განთავსება/ექსპლუატაცია/დემონტაჟს შპს “თბილისი პარკი” უზრუნველყოფს. ხელშეკრულების საერთო ღირებულება 38 140 ლარია. ამ ფასში 97 წყვილი სხვადასხვა ზომის ციგურები და ორი ინსტრუქტორ-კონსულტანის მომსახურებაც შედის. ყინულის მოედნის დემონტაჟი 8 იანვარს დაიწყება.

პარლამენტის მიმდებარე ტერიტორიასა და დედაენის ბაღში სხვადასხვა გასართობ ღონისძიებებს ორგანიზებას შპს “პიუმა ივენთსი” გაუწევს. კომპანია, რომელსაც მერიამ 172 087.66 ლარის ხელშეკრულება გაუფორმა, მიმდინარე წლის 16 მარტსაა რეგისტრირებული.

შეგახსენებთ, რომ თბილისის მერიამ ქალაქის საახალწლო განათებებზე დამატებით სამი მილიონი ლარი უკვე დახარჯა.

უახლოეს მომავალში გასაჯაროვდება რაში დიხარჯა თანხის დარჩენილი ნაწილი და ვინ არიან კონტრაქტორები.

 
 
 

პროკურისტი პროკურორის მოადგილე

გიორგი გოგაძე
გიორგი გოგაძე

გიორგი გოგაძემ, საქართველოს მთავარი პროკურორის მოადგილემ, ქონებრივი დეკლარაცია უკვე ოთხჯერ შეავსო,  თუმცა შპს “კაპიტალინვესტ ჯგუფი” სადაც ის პროკურისტია, არცერთ დეკლარაციაში არ  შეუტანია.

მოხელის სამაგიდო ლექსიკონის მიხედვით:
პროკურისტი არის პირი, რომელსაც გენერალური სავაჭრო მინდობილობა (პროკურა) აქვს, ასევე, არის სავაჭრო საწარმოს რწმუნებული, რომელსაც დიდი უფლებამოსილება აქვს გარიგების დადების დროს. 

2008 წლის 5 მაისს რეგისტრირებულ შპს “კაპიტალინვესტ ჯგუფში” გიორგი გოგაძე ჯერ წარმომადგენლის პოსტს იკავებდა, 2010 წლის 6 ივლისს განხორციელებული ცვლილების შემდეგ კი, საჯარო ამონაწერის მიხედვით, მას კომპანიაში პროკურისტის პოსტი უკავია.

kapital_invest
ჩვენ გენერალურ პროკურატურას წერილობით მივმართეთ და ვკითხეთ, რატომ არ არის აღნიშნული ფაქტი გიორგი გოგაძის დეკლარაციაში ასახული. პასუხი ჯერჯერობით არ მიგვიღია.
ამავე შეკითხვით ჩვენ საჯარო სამსახურის ბიუროსაც მივმართეთ და ვკითხეთ, კერძო კომპანიაში დაკავებული ამ თანამდებობით, ირღვევა თუ არა კანონი?
 
 ლევან ყოლბაიამ, საჯარო სამსახურის ბიუროს ადმინისტრაციული სამსახურის მთავარმა სპეციალისტმა განგვიმარტა, რომ კანონი საჯარო სამსახურში ინტერესთა შეუთავსებლობის შესახებ უკრძალავს თანამდებობის პირს და საჯარო სამსახურში დასაქმებულ პირს სამეწარმეო სუბიექტში თანამდებობის დაკავებას და ანაზღაურების მიღებას და რომ ეს არის შეუთავსებადი საქმიანობა. ამავდროულად, “ყველა საჯრო პირი ვალდებულია მისი შემოსავალი და ქონებრივი მდგომარეობა შეიტანოს ქონებრივ დეკლარაციაში, მათ შორის ამ შემთხვევაში პროკურორის მოადგილე.”
  შემოსავლების სამსახურის გადამხდელთა რეესტრის მონაცემებით, ვადაგასული დავალიანების გამო შპს “კაპიტალინვესტ ჯგუფის” ქონება დაყადაღებულია.
ეს კომპანია არც მთავარი პროკურორის მოადგილის ბიოგრაფიაშია მითითებული.

რას მსაჯობდა ილია ტუღუში?

ილია ტუღუში
ილია ტუღუში

საქართველოს ფეხბურთის ფედერაციის ოფიციალურ ვებ-გვერდზე განთავსებული მსაჯთა დანიშვნის ოქმების მიხევით, ილია ტუღუში, ძირითადად, სამსაჯო საქმიანობას რეგიონულ ლიგაში ახორციელებდა.

ტუღუში რამდენჯერმე მეოთხე არბიტრად იყო დანიშნული ლიგა 3-ის და საქართველოს თასის მატჩებზე.

ასევე, ერთხელ იყო დანიშნული საქართველოს თასის პირველი ეტაპის თამაშის მთავარ მსაჯად.

შეგახსენებთ, ილია ტუღუში 2017 წლის 6 დეკემბერს მალთაყვის ტყეში გარდაცვლილი იპოვნეს.

 

 

ლიგა3

მსაჯი 0

მეოთხე მსაჯი 6

ასისტენტი 0

რეგიონული ლიგა

მსაჯი 3

მეოთხე მსაჯი 0

ასისტენტი 0

საქართველოს თასი

მსაჯი 1(მეორე ეტაპი)

მეოთხე მსაჯი 2

ასისტენტი 0

 

აქვს თუ არა საბჭოს მდივანს იტერესთა კონფლიქტი?

გიორგი მიქაუტაძე
გიორგი მიქაუტაძე
მაია კვირიკაშვილი

როგორც ცნობილია, საქართველოს იუსტიციის უმაღლესი საბჭოს მდივნის, გიორგი მიქაუტიძის მეუღლე, მაია კვირიკაშვილი, მოსამართლეთა შესარჩევი კონკურსის მეორე ეტაპზე გადავიდა.

ახალგაზრდა იურისტთა ასოციააცის იურისტმა ეკა ციმაკურიძემ განმარტა, რომ საბჭოს მდივანს აშკარა ინტერესთა კონფლი აქვს. მისი აზრით,  რადგან ერთ-ერთი კანდიდატი მისი მეუღლეა, აუცილებელია გიორგი მიქაუტაძის ამ პროცესისგან აცილება.

ეკა ციმაკურიძის თქმით, მოსამართლეთა შერჩევის პროცესი დახურულია, ამიტომ მაია კვირიკაშვილის მოსამართლედ დანიშვნის შემთხვევაში, კანდიდატთა სამართლიანობის პრინციპით შერჩევის საკითხი კითხვის ნიშნის ქვეშ დგება.

ჩვენ ვარკვევთ, აქცს თუ არა გიორგი მიქაუტაძეს მისი მეუღლის  კანდიდატობასთან მიმართებაში ინტერესთა კონფლიქტი.

იუსტიციის იუმაღლეს საბჭოს წერილობით მივმართეთ და ვკითხეთ:

  • რა უფლება-მოვალეობები აკისრია მდივანს კანდიდატთა შერჩევის პროცესში?
  • საბჭოს მდივანმა და მისმა მეუღლემ განაცხადეს თუ არა ინტერესთა კონფლიქტის არსებობის შესახებ?

კანონის მიხედვით, მოსამართლეთა შესარჩევად საბჭოში სპეციალური სამდივნო იქმნება.  ამიტომ ჩვენ საბჭოს ასევე ვკითხეთ,  გიორგი მიქაუტაძერის თუ არა ამ სამდივნოს წევრი?   საბჭოდან მიღებულ დოკუმენტში ამ კითხვაზე პასუხი გაცემული არ არის:

Screen Shot 2017-12-06 at 18.06.57

 

 

 

 

 

 

 

 

 

 

 

 

 

ჩვენ განვაგრძობთ ამ საკითხის კვლევას და დამატებით ინფორმაციას, იკვეთება თუ არა გიორგი მიქაუტაძის ინტერესთა კონფლიქტი მისი მეუღლის მოსამართლედ შერჩევის პროცესში, ეტაპობრივად გაგაცნობთ.

მოსამართლეთა შერჩევის მეორე ეტაპი – კანდიდატებთან გასაუბრება სამი დეკემბრიდან დაიწყო. თუმცა, როდის შედგება მაია კვირიკაშვილთან გასაუბრება ჯერ უცნობია.

იუსტიციის უმაღლესი საბჭო კადრების რაოდენობის გაზრდას გეგმავს

 27 ნოემბრის იუსტიციის უმაღლესი საბჭოს სხდომაზე საბჭოს წევრებმა პირადი თანაშემწეების აყვანის თაობაზე იმსჯელეს.
როგორც საბჭოს მდივანმა გიორგი მიქაუტაძემ განაცხადა, 2018 წლის ბიუჯეტში, რომელიც დასამტკიცებლად უკვე წარდგენილია, საბჭოს ყველა წევრისთვის თანაშემწეთა აყვანის საკითხია გათვალისწინებული.
იუსტიციის უმაღლესი საბჭოს წევრი სერგო მეთოფიშვილი მიიჩნევს, რომ საბჭოს წევრებისთვის პირადი assistantwთანაშემწეების აყვანა გაუმართლებელი ხარჯია და საჭიროებას არ წარმოადგენს.
“იმ ფონზე როცა ყველა სახელმწიფო უწყებაში არის ოპტიმიზაცია და შტატების შემცირება ხდება, შტატების გაზრდა მართებულად არ მიმაჩნია. ვინმემ რამე პროექტი მოამზადა და ვერ მოასწრო და თანაშემწე სჭირდება? ან ვინმემ მიმართა რომელიმე დეპარტამენტს და უარი მიიღო დახმარებაზე თუ რა? ” – განაცხადა სერგო მეთოფიშვილმა.
 
სერგო მეთოფიშვილისგან განსხვავებით, საბჭოს სხვა წევრები ამ ინიციატივას მხარს უჭერენ.
“ვთვლი, რომ ყველა საბჭოს წევრს უნდა ჰყავდეს თანაშემწე. კარგი იქნება, რა თქმა უნდა, სახელმწიფოს ფული დავზოგოთ. თუმცა, ერთი თანაშემწის ანაზღაურება არ არის ის ოდენობა, რომელზეც უნდა გავწიოთ შეღავათი მაშინ, როდესაც, რეალურად, ეს ბიუჯეტი შეიძლება, რომ სხვანაირადაც იქნეს გადახედილი. მე, პირადად, ვთვლი, რომ მჭირდება ჩემი პირადი თანაშემწე”– განაცხადა საბჭოს წევრმა ირმა გელაშვილმა.
ამ დრომდე საბჭოს წევრებს სულ სამი თანაშემწე ეხმარებოდათ, თუმცა, 2018 წლიდან ეს ციფრი, სავარაუდოდ, თხუთმეტამდე გაიზრდება.
როგორც გიორგი მიქაიუტაძემ სხდომაზე განაცხადა, ამ პოზიციაზე აუცილებელი მოთხოვნა უმაღლესი იურიდიული განათლება იქნება.

საჯარო უწყებები კანონის დარღვევისთვის არ ჯარიმდებიან

13 ნოემბერს გამოვაქვეყნეთ მასალა, სადაც ნათლად ჩანდა, რომ ზოგიერთი საჯარო დაწესებულება გამარტივებული შესყიდვის ხელშეკრულებებს, შესყიდვების სააგენტოს ვებ-გვერდზე დროულად არ აქვეყნებს.  ჩვენ საჯარო დაწესებულებებს – საქპატენტს და შემოსავლების სამსახურს  წერილობით მივმართეთ და ვკითხეთ, რატომ ვერ ხერხდება ხელშეკრულებების ვადების დაცვით ვებ-გვერდზე განთავსება და ათდღიანი ვადის გადაცილების გამო როდესმე თუ დაჯარიმებულან.

შემოსავლების სამსახურმა პირველმა გვიპასუხა, თუმცა მათი პასუხი ჩვენი კითხვის შეუსაბამო იყო, ამიტომ განმეორებით მივწერეთ და წერილში დაგვიანებით ატვირთული კონკრეტული ხელშეკრულებების ნომრები  მივუთითეთ.  შემოსავლების სამსახურიდან კვლავ შეუსაბამო პასუხი მივიღეთ. უწყებამ არ განმარტა,  რატომ იტვირთება ზოგიერთი შესყიდვის ხელშეკრულება ელექტრონულ სისტემაში დაგვიანებით.
Screen Shot 2017-11-26 at 23.46.11
 საქპატენტისგან მიღებულ  წერილში კი ნათქვამია, რომ ინტელექტუალური საკუთრების ეროვნული ცენტრი ათდღიან ვადას, გამონაკლისი შემთხვევების გარდა, არასდროს არღვევს და კანონით გათვალისწინებული ჯარიმა არასდროს დაკისრებია. თუმცა, რას გულისხმობს გამონაკლისი შემთხვევები არ დაგვიკონკრეტეს.
Screen Shot 2017-11-26 at 23.24.25
 საჯარო დაწესებულებებს გამარტივებული შესყიდვის გზით გაფორმებული ხელშეკრულებების შესყიდვების სააგენტოს ვებ-გვერდზე განთავსება 10 დღიან ვადაში ევალებათ. კანონის დაცვას მონიტორინგს, თავის მხრივ, შესყიდვების სააგენტო უწევს და, ვადის დარღვევის გამოვლენის შემთხვევაში კანონი შემსყიდველი ორგანიზაციის ხელმძღვანელის 1500 ლარით დაჯარიმებას ითვალისწინებს.